౩. కిఙ్కణిపుప్ఫియత్థేరఅపదానం

౧౦. ‘‘కఞ్చనగ్ఘియసఙ్కాసో, సబ్బఞ్ఞూ లోకనాయకో;

ఓదకం దహమోగ్గయ్హ, సినాయి లోకనాయకో.

౧౧. ‘‘పగ్గయ్హ కిఙ్కణిం [కిఙ్కిణిం (సీ.)] పుప్ఫం, విపస్సిస్సాభిరోపయిం;

ఉదగ్గచిత్తో సుమనో, ద్విపదిన్దస్స తాదినో.

౧౨. ‘‘ఏకనవుతితో కప్పే, యం పుప్ఫమభిరోపయిం;

దుగ్గతిం నాభిజానామి, బుద్ధపూజాయిదం ఫలం.

౧౩. ‘‘సత్తవీసతికప్పమ్హి, రాజా భీమరథో అహు;

సత్తరతనసమ్పన్నో, చక్కవత్తీ మహబ్బలో.

౧౪. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా కిఙ్కణిపుప్ఫియో [కిఙ్కిణికపుప్ఫియో (సీ.)] థేరో ఇమా గాథాయో అభాసిత్థాతి.

కిఙ్కణిపుప్ఫియత్థేరస్సాపదానం తతియం.