౬. బోధిఉపట్ఠాకత్థేరఅపదానం

౩౦. ‘‘నగరే రమ్మవతియా, ఆసిం మురజవాదకో;

నిచ్చుపట్ఠానయుత్తోమ్హి, గతోహం బోధిముత్తమం.

౩౧. ‘‘సాయం పాతం ఉపట్ఠిత్వా, సుక్కమూలేన చోదితో;

అట్ఠారసకప్పసతే, దుగ్గతిం నుపపజ్జహం.

౩౨. ‘‘పన్నరసే కప్పసతే, ఇతో ఆసిం జనాధిపో;

మురజో [దమథో (స్యా.)] నామ నామేన, చక్కవత్తీ మహబ్బలో.

౩౩. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా బోధిఉపట్ఠాకో థేరో ఇమా గాథాయో అభాసిత్థాతి.

బోధిఉపట్ఠాకత్థేరస్సాపదానం ఛట్ఠం.