౧౦. సఙ్ఘుపట్ఠాకత్థేరఅపదానం

౪౫. ‘‘వేస్సభుమ్హి భగవతి, అహోసారామికో అహం;

పసన్నచిత్తో సుమనో, ఉపట్ఠిం సఙ్ఘముత్తమం.

౪౬. ‘‘ఏకత్తింసే ఇతో కప్పే, యం కమ్మమకరిం తదా;

దుగ్గతిం నాభిజానామి, ఉపట్ఠానస్సిదం ఫలం.

౪౭. ‘‘ఇతో తే సత్తమే కప్పే, సత్తేవాసుం సమోదకా;

సత్తరతనసమ్పన్నా, చక్కవత్తీ మహబ్బలా.

౪౮. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా సఙ్ఘుపట్ఠాకో థేరో ఇమా గాథాయో అభాసిత్థాతి.

సఙ్ఘుపట్ఠాకత్థేరస్సాపదానం దసమం.

కుముదవగ్గో అట్ఠారసమో.