౧౦. పఞ్చఙ్గులియత్థేరఅపదానం

౫౦. ‘‘తిస్సో నామాసి భగవా, లోకజేట్ఠో నరాసభో;

పవిసతి గన్ధకుటిం, విహారకుసలో ముని.

౫౧. ‘‘సుగన్ధమాలమాదాయ, అగమాసిం జినన్తికం;

అపసద్దో చ సమ్బుద్ధే, పఞ్చఙ్గులిమదాసహం.

౫౨. ‘‘ద్వేనవుతే ఇతో కప్పే, యం గన్ధమభిరోపయిం;

దుగ్గతిం నాభిజానామి, పఞ్చఙ్గులిస్సిదం [పఞ్చఙ్గులియిదం (సీ.)] ఫలం.

౫౩. ‘‘ద్వేసత్తతిమ్హితో కప్పే, రాజా ఆసిం సయమ్పభో;

సత్తరతనసమ్పన్నో, చక్కవత్తీ మహబ్బలో.

౫౪. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా పఞ్చఙ్గులియో థేరో ఇమా గాథాయో అభాసిత్థాతి;

పఞ్చఙ్గులియత్థేరస్సాపదానం దసమం.

సుపారిచరియవగ్గో సత్తరసమో.