౧౦. పల్లఙ్కదాయకత్థేరఅపదానం

౪౮. ‘‘సుమేధస్స భగవతో, లోకజేట్ఠస్స తాదినో;

పల్లఙ్కో హి మయా దిన్నో, సఉత్తరసపచ్ఛదో.

౪౯. ‘‘సత్తరతనసమ్పన్నో, పల్లఙ్కో ఆసి సో తదా;

మమ సఙ్కప్పమఞ్ఞాయ, నిబ్బత్తతి సదా మమ.

౫౦. ‘‘తింసకప్పసహస్సమ్హి, పల్లఙ్కమదదిం తదా;

దుగ్గతిం నాభిజానామి, పల్లఙ్కస్స ఇదం ఫలం.

౫౧. ‘‘వీసకప్పసహస్సమ్హి, సువణ్ణాభా తయో జనా;

సత్తరతనసమ్పన్నా, చక్కవత్తీ మహబ్బలా.

౫౨. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా పల్లఙ్కదాయకో థేరో ఇమా గాథాయో అభాసిత్థాతి.

పల్లఙ్కదాయకత్థేరస్సాపదానం దసమం.

ఛత్తవగ్గో పన్నరసమో.