౯. వేయ్యావచ్చకత్థేరఅపదానం

౫౧. ‘‘విపస్సిస్స భగవతో, మహాపూగగణో అహు;

వేయ్యావచ్చకరో ఆసిం, సబ్బకిచ్చేసు వావటో [బ్యావటో (సీ. స్యా.)].

౫౨. ‘‘దేయ్యధమ్మో చ మే నత్థి, సుగతస్స మహేసినో;

అవన్దిం సత్థునో పాదే, విప్పసన్నేన చేతసా.

౫౩. ‘‘ఏకనవుతితో కప్పే, వేయ్యావచ్చం అకాసహం;

దుగ్గతిం నాభిజానామి, వేయ్యావచ్చస్సిదం ఫలం.

౫౪. ‘‘ఇతో చ అట్ఠమే కప్పే, రాజా ఆసిం సుచిన్తితో;

సత్తరతనసమ్పన్నో, చక్కవత్తీ మహబ్బలో.

౫౫. ‘‘పటిసమ్భిదా చతస్సో…పే… కతం బుద్ధస్స సాసనం’’.

ఇత్థం సుదం ఆయస్మా వేయ్యావచ్చకో థేరో ఇమా గాథాయో అభాసిత్థాతి.

వేయ్యావచ్చకత్థేరస్సాపదానం నవమం.