౮. సత్తాధికరణసమథా

౬౫౫. అధికరణసమథేసు – సత్తాతి తేసం ధమ్మానం సఙ్ఖ్యాపరిచ్ఛేదో. చతుబ్బిధం అధికరణం సమేన్తి వూపసమేన్తీతి అధికరణసమథా. తేసం విత్థారో ఖన్ధకే చ పరివారే చ వుత్తో, తస్సత్థం తత్థేవ వణ్ణయిస్సామ. సేసం సబ్బత్థ ఉత్తానమేవాతి.

సమన్తపాసాదికాయ వినయసంవణ్ణనాయ

భిక్ఖువిభఙ్గవణ్ణనా నిట్ఠితా.

అనన్తరాయేన యథా, నిట్ఠితా వణ్ణనా అయం;

అనన్తరాయేన తథా, సన్తిం పప్పోన్తు పాణినో.

చిరం తిట్ఠతు సద్ధమ్మో, కాలే వస్సం చిరం పజం;

తప్పేతు దేవో ధమ్మేన, రాజా రక్ఖతు మేదనిన్తి.

మహావిభఙ్గో నిట్ఠితో.

నమో తస్స భగవతో అరహతో సమ్మాసమ్బుద్ధస్స