౯. సూకసుత్తవణ్ణనా

౯. నవమే మిచ్ఛాపణిహితన్తి సూకం నామ ఉద్ధగ్గం కత్వా ఠపితం హత్థం వా పాదం వా భిన్దతి, తథా అట్ఠపితం పన మిచ్ఛాపణిహితం నామ. మిచ్ఛాపణిహితాయ దిట్ఠియాతి మిచ్ఛాఠపితాయ కమ్మస్సకతపఞ్ఞాయ. అవిజ్జం భిన్దిస్సతీతి చతుసచ్చపటిచ్ఛాదకం అవిజ్జం భిన్దిస్సతి. విజ్జం ఉప్పాదేస్సతీతి అరహత్తమగ్గవిజ్జం ఉప్పాదేస్సతి. మిచ్ఛాపణిహితత్తా, భిక్ఖవే, దిట్ఠియాతి కమ్మస్సకతపఞ్ఞాయ చేవ మగ్గభావనాయ చ మిచ్ఛా ఠపితత్తా, అప్పవత్తితత్తాతి అత్థో. ఇమస్మిం సుత్తే కమ్మస్సకతఞాణం మగ్గనిస్సితం కత్వా మిస్సకమగ్గో కథితో.