౯. పఠమఛఫస్సాయతనసుత్తవణ్ణనా

౭౧. నవమే ఫస్సాయతనానన్తి ఫస్సాకరానం. అవుసితన్తి అవుట్ఠం. ఆరకాతి దూరే. ఏత్థాహం, భన్తే, అనస్ససన్తి, భన్తే, అహం ఏత్థ అనస్ససిం, నట్ఠో నామ అహన్తి వదతి. భగవా – ‘‘అయం భిక్ఖు ‘అహం నామ ఇమస్మిం సాసనే నట్ఠో’తి వదతి, కిన్ను ఖ్వస్స అఞ్ఞేసు ధాతుకమ్మట్ఠాన-కసిణకమ్మట్ఠానాదీసు అభియోగో అత్థీ’’తి చిన్తేత్వా, తమ్పి అపస్సన్తో – ‘‘కతరం ను ఖో కమ్మట్ఠానం ఇమస్స సప్పాయం భవిస్సతీ’’తి చిన్తేసి. తతో ‘‘ఆయతనకమ్మట్ఠానమేవ సప్పాయ’’న్తి దిస్వా తం కథేన్తో తం కిం మఞ్ఞసి భిక్ఖూతిఆదిమాహ. సాధూతి తస్స బ్యాకరణే సమ్పహంసనం. ఏసేవన్తో దుక్ఖస్సాతి అయమేవ వట్టదుక్ఖస్సన్తో పరిచ్ఛేదో, నిబ్బానన్తి అత్థో.