౧౦. ఆనన్దసుత్తవణ్ణనా

౧౫౯. దసమే ఉపసఙ్కమీతి అఞ్ఞే భిక్ఖూ పఞ్చక్ఖన్ధకమ్మట్ఠానం కథాపేత్వా యుఞ్జిత్వా ఘటేత్వా అరహత్తం పత్వా సత్థు సన్తికే అఞ్ఞం బ్యాకరోన్తే దిస్వా ‘‘అహమ్పి పఞ్చక్ఖన్ధకమ్మట్ఠానం కథాపేత్వా యుఞ్జన్తో ఘటేన్తో, అరహత్తం పత్వా అఞ్ఞం బ్యాకరిస్సామీ’’తి చిన్తేత్వా ఉపసఙ్కమి. సత్థా పన అత్తనో ధరమానకాలే థేరస్స ఉపరిమగ్గత్తయవజ్ఝానం కిలేసానం పహానం అపస్సన్తోపి ‘‘ఇమస్స చిత్తం గణ్హిస్సామీ’’తి కథేసి. తస్సాపి ఏకం ద్వే వారే మనసి కత్వావ బుద్ధుపట్ఠానవేలా జాతాతి గన్తబ్బం హోతి. ఇతిస్స చిత్తం సమ్పహంసమానో విముత్తిపరిపాచనీయధమ్మోవ సో కమ్మట్ఠానానుయోగో జాతోతి. దసమం.

దిట్ఠివగ్గో పన్నరసమో.

ఉపరిపణ్ణాసకో సమత్తో.

ఖన్ధసంయుత్తవణ్ణనా నిట్ఠితా.