౧౦. వేవచనహారసమ్పాతవణ్ణనా

౭౨. ‘‘మానసం హదయం పణ్డరం విఞ్ఞాణం విఞ్ఞాణక్ఖన్ధో మనోవిఞ్ఞాణధాతూ’’తి (ధ. స. ౬) చ చిత్తస్స వేవచనం. ‘‘తక్కో వితక్కో సఙ్కప్పో అప్పనా బ్యప్పనా చేతసో అభినిరోపనా’’తి చ సమ్మాసఙ్కప్పస్స. ‘‘పఞ్ఞా పజాననా విచయో పవిచయో’’తిఆదినా (ధ. స. ౧౬) సమ్మాదిట్ఠియా. ‘‘థినం థియనా థియితత్తం చిత్తస్స అకల్లతా అకమ్మఞ్ఞతా ఓనాహో పరినాహో అన్తోసఙ్కోచో’’తి థినస్స. ‘‘అకల్లతా అకమ్మఞ్ఞతా కాయాలసియం సుప్యం సుప్యనా సుపితత్త’’న్తి (ధ. స. ౧౧౬౩) మిద్ధస్స. ‘‘భిక్ఖకో భిక్ఖూ’’తిఆదినా (పారా. ౪౫) భిక్ఖుపదస్స. ‘‘దుగ్గతి అపాయో వినిపాతో వట్టదుక్ఖం సంసారో’’తిఆదినా దుగ్గతియా వేవచనం వేదితబ్బం.

వేవచనహారసమ్పాతవణ్ణనా నిట్ఠితా.