౧. పణ్ణత్తినిద్దేసవారవణ్ణనా

౧౦-౧౭. నిద్దేసవారే పన హేట్ఠా ఖన్ధయమకస్స పణ్ణత్తివారనిద్దేసే వుత్తనయేనేవ అత్థో వేదితబ్బో. అఞ్ఞత్ర విసేసా. తత్రాయం విసేసో – దిబ్బచక్ఖూతి దుతియవిజ్జాఞాణం. పఞ్ఞాచక్ఖూతి తతియవిజ్జాఞాణం. దిబ్బసోతన్తి దుతియఅభిఞ్ఞాఞాణం. తణ్హాసోతన్తి తణ్హావ. అవసేసో కాయోతి నామకాయో, రూపకాయో, హత్థికాయో, అస్సకాయోతి ఏవమాది. అవసేసం రూపన్తి రూపాయతనతో సేసం భూతుపాదాయరూపఞ్చేవ పియరూపసాతరూపఞ్చ. సీలగన్ధోతిఆదీని వాయనట్ఠేన సీలాదీనంయేవ నామాని. అత్థరసోతిఆదీనిపి సాధుమధురట్ఠేన అత్థాదీనఞ్ఞేవ నామాని. అవసేసో ధమ్మోతి పరియత్తిధమ్మాదిఅనేకప్పభేదోతి అయమేత్థ విసేసో.

పణ్ణత్తినిద్దేసవారవణ్ణనా.