౩. కరుణాకథావణ్ణనా

౮౦౭-౮౦౮. ఇదాని కరుణాకథా నామ హోతి. తత్థ పియాయితానం వత్థూనం విపత్తియా సరాగానం రాగవసేన కరుణాపతిరూపికం పవత్తిం దిస్వా ‘‘రాగోవ కరుణా నామ, సో చ భగవతో నత్థి, తస్మా నత్థి బుద్ధస్స భగవతో కరుణా’’తి యేసం లద్ధి, సేయ్యథాపి ఉత్తరాపథకానం; తే సన్ధాయ పుచ్ఛా సకవాదిస్స, పటిఞ్ఞా ఇతరస్స. అథ నం ‘‘కరుణా నామేసా నిక్కిలేసతాయ చేవ సత్తారమ్మణతాయ చ చేతోవిముత్తితాయ చ ఏకాదసానిసంసతాయ చ మేత్తాదీహి సమానజాతికా, తస్మా యది భగవతో కరుణా నత్థి, మేత్తాదయోపిస్స న సియు’’న్తి చోదనత్థం నత్థి బుద్ధస్స భగవతో మేత్తాతిఆదిమాహ. ఆకారుణికోతి పఞ్హే తథారూపం వోహారం అపస్సన్తో పటిక్ఖిపతి. సేసమేత్థ ఉత్తానత్థమేవాతి.

కరుణాకథావణ్ణనా.