౫. ఠపేత్వా అరియమగ్గన్తికథావణ్ణనా

౭౮౯-౭౯౦. ఇదాని ఠపేత్వా అరియమగ్గన్తికథా నామ హోతి. తత్థ ‘‘యస్మా అరియమగ్గో ‘దుక్ఖనిరోధగామినిపటిపదా’తి వుత్తో, తస్మా ఠపేత్వా అరియమగ్గం అవసేసా సఙ్ఖారా దుక్ఖా’’తి యేసం లద్ధి, సేయ్యథాపి హేతువాదానం; తే సన్ధాయ పుచ్ఛా సకవాదిస్స, పటిఞ్ఞా ఇతరస్స. అథ నం ‘‘యది ఏవం సముదయస్సాపి దుక్ఖభావో ఆపజ్జతీ’’తి చోదేతుం దుక్ఖసముదయోపీతి ఆహ. ఇతరో హేతులక్ఖణం సన్ధాయ పటిక్ఖిపతి. పున పుట్ఠో పవత్తపరియాపన్నభావం సన్ధాయ పటిజానాతి. తీణేవాతి పఞ్హేసు సుత్తవిరోధభయేన పటిక్ఖిపతి, లద్ధివసేన పటిజానాతి. సేసమేత్థ ఉత్తానత్థమేవాతి.

ఠపేత్వా అరియమగ్గన్తికథావణ్ణనా.