౫. రూపం హేతూతికథావణ్ణనా

౭౫౪-౭౫౬. ఇదాని రూపం హేతూతి కథానామ హోతి. తత్థ హేతూతి కుసలమూలాదినో హేతుహేతుస్సాపి నామం, యస్స కస్సచి పచ్చయస్సాపి. ఇమం పన విభాగం అకత్వా ‘‘చత్తారో మహాభూతా హేతూ’’తి వచనమత్తం నిస్సాయ అవిసేసేనేవ రూపం హేతూతి యేసం లద్ధి, సేయ్యథాపి ఉత్తరాపథకానం; తే సన్ధాయ పుచ్ఛా సకవాదిస్స, పటిఞ్ఞా ఇతరస్స. అలోభో హేతూతి కిం తే రూపం అలోభసఙ్ఖాతో హేతూతి పుచ్ఛతి, ఇతరో పటిక్ఖిపతి. సేసేసుపి ఏసేవ నయో. మహాభూతా ఉపాదాయరూపానం ఉపాదాయహేతూతి ఏత్థ పచ్చయట్ఠేన హేతుభావో వుత్తో, న మూలట్ఠేన, తస్మా అసాధకన్తి.

రూపం హేతూతికథావణ్ణనా.

౭౫౭-౭౫౯. సహేతుకకథాయమ్పి ఇమినావ నయేన అత్థో వేదితబ్బోతి.

రూపం సహేతుకన్తికథావణ్ణనా.