౫. పఞ్చవిఞ్ఞాణా సాభోగాతికథావణ్ణనా

౫౮౪-౫౮౬. ఇదాని పఞ్చవిఞ్ఞాణా సాభోగాతికథా నామ హోతి. తత్థ ఆభోగో నామ కుసలాకుసలవసేన హోతి సత్థారా చ ‘‘చక్ఖునా రూపం దిస్వా నిమిత్తగ్గాహీ హోతి, న నిమిత్తగ్గాహీ హోతీ’’తిఆది వుత్తం, తం అయోనిసో గహేత్వా ‘‘పఞ్చవిఞ్ఞాణా సాభోగా’’తి యేసం లద్ధి, సేయ్యథాపి మహాసంఘికానం, తే సన్ధాయ పుచ్ఛా సకవాదిస్స, పటిఞ్ఞా ఇతరస్స. సేసమేత్థ పురిమకథాసదిసమేవాతి.

పఞ్చవిఞ్ఞాణా సాభోగాతికథావణ్ణనా.