౬. ఆకాసకథావణ్ణనా

౪౬౦-౪౬౨. ఇదాని ఆకాసకథా నామ హోతి. తత్థ తివిధో ఆకాసో – పరిచ్ఛేదాకాసో, కసిణుగ్ఘాటిమాకాసో, అజటాకాసో. ‘‘తుచ్ఛాకాసో’’తిపి తస్సేవ నామం. తేసు పరిచ్ఛేదాకాసో సఙ్ఖతో, ఇతరే ద్వే పఞ్ఞత్తిమత్తా. యేసం పన ‘‘దువిధోపి యస్మా సఙ్ఖతో న హోతి, తస్మా అసఙ్ఖతో’’తి లద్ధి, సేయ్యథాపి ఉత్తరాపథకానం మహిసాసకానఞ్చ; తే సన్ధాయ ఆకాసోతి పుచ్ఛా సకవాదిస్స, పటిఞ్ఞా ఇతరస్స. సేసమేత్థ ఉత్తానత్థమేవాతి.

ఆకాసకథావణ్ణనా.