౧౦. ఉపోసథసుత్తవణ్ణనా

౨౦. దసమే నిసిన్నో హోతీతి ఉపోసథకరణత్థాయ ఉపాసికాయ రతనపాసాదే నిసిన్నో. నిసజ్జ పన భిక్ఖూనం చిత్తాని ఓలోకేన్తో ఏకం దుస్సీలపుగ్గలం దిస్వా ‘‘సచాహం ఇమస్మిం పుగ్గలే నిసిన్నేయేవ పాతిమోక్ఖం ఉద్దిసిస్సామి, సత్తధా తస్స ముద్ధా ఫలిస్సతీ’’తి తస్స అనుకమ్పాయ తుణ్హీయేవ అహోసి. అభిక్కన్తాతి అతిక్కన్తా పరిక్ఖీణా. ఉద్ధస్తే అరుణేతి ఉగ్గతే అరుణసీసే. నన్దిముఖియాతి తుట్ఠముఖియా. అపరిసుద్ధా, ఆనన్ద, పరిసాతి ‘‘అసుకపుగ్గలో అపరిసుద్ధో’’తి అవత్వా ‘‘అపరిసుద్ధా, ఆనన్ద, పరిసా’’తి ఆహ. సేసం సబ్బత్థ ఉత్తానమేవాతి.

మహావగ్గో దుతియో.