౭. వపకాససుత్తవణ్ణనా

౧౨౭. సత్తమే నాలం సఙ్ఘమ్హా వపకాసితున్తి సఙ్ఘతో నిక్ఖమిత్వా ఏకకో వసితుం న యుత్తో. కామఞ్చేస సఙ్ఘమజ్ఝేపి వసితుం అయుత్తోవ అసఙ్ఘసోభనతాయ, ఓవాదానుసాసనిప్పటిబద్ధత్తా పన నిప్పరియాయేనేవ సఙ్ఘమ్హా వపకాసితుం న యుత్తో. అలం సఙ్ఘమ్హా వపకాసితున్తి చాతుద్దిసత్తా సఙ్ఘమ్హా నిక్ఖమ్మ ఏకకో వసితుం యుత్తో, సఙ్ఘసోభనతాయ పన సఙ్ఘేపి వసితుం యుత్తోయేవ. అట్ఠమం ఉత్తానత్థమేవ.