౧. చరసుత్తవణ్ణనా

౧౧. దుతియస్స పఠమే అధివాసేతీతి చిత్తం అధిరోపేత్వా వాసేతి. నప్పజహతీతి న పరిచ్చజతి. న వినోదేతీతి న నీహరతి. న బ్యన్తీకరోతీతి న విగతన్తం పరిచ్ఛిన్నపరివటుమం కరోతి. న అనభావం గమేతీతి న అనుఅభావం అవడ్ఢిం వినాసం గమేతి. చరమ్పీతి చరన్తోపి. అనాతాపీతి నిబ్బీరియో. అనోత్తాపీతి ఉపవాదభయరహితో. సతతన్తి నిచ్చం. సమితన్తి నిరన్తరం. ఏవం సబ్బత్థ అత్థం ఞత్వా సుక్కపక్ఖే వుత్తవిపరియాయేన అత్థో వేదితబ్బో.

గాథాసు గేహనిస్సితన్తి కిలేసనిస్సితం. మోహనేయ్యేసూతి మోహజనకేసు ఆరమ్మణేసు. అభబ్బోతి అభాజనభూతో. ఫుట్ఠుం సమ్బోధిముత్తమన్తి అరహత్తమగ్గసఙ్ఖాతం ఉత్తమఞాణం ఫుసితుం.