౬. సంసప్పనీయసుత్తవణ్ణనా

౨౧౬. ఛట్ఠే సంసప్పనీయపరియాయం వో, భిక్ఖవే, ధమ్మపరియాయన్తి సంసప్పనస్స కారణం దేసనాసఙ్ఖాతం ధమ్మదేసనం. సంసప్పతీతి తం కమ్మం కరోన్తో ఆసప్పతి పరిసప్పతి విప్ఫన్దతి. జిమ్హా గతీతి తేన కమ్మేన యం గతిం గమిస్సతి, సా జిమ్హా హోతి. జిమ్హుపపత్తీతి తస్స యం గతిం ఉపపజ్జిస్సతి, సాపి జిమ్హావ హోతి. సంసప్పజాతికాతి సంసప్పనసభావా. భూతా భూతస్స ఉపపత్తి హోతీతి భూతస్మా సభావతో విజ్జమానకమ్మా సత్తస్స నిబ్బత్తి హోతి. ఫస్సా ఫుసన్తీతి విపాకఫస్సా ఫుసన్తి.