(౮) తిస్సో తణ్హా

౯౧౬. తత్థ కతమా తిస్సో తణ్హా? కామతణ్హా, భవతణ్హా, విభవతణ్హా.

తత్థ కతమా భవతణ్హా? భవదిట్ఠిసహగతో రాగో సారాగో చిత్తస్స సారాగో – అయం వుచ్చతి ‘‘భవతణ్హా’’.

తత్థ కతమా విభవతణ్హా? ఉచ్ఛేదదిట్ఠిసహగతో రాగో సారాగో చిత్తస్స సారాగో – అయం వుచ్చతి ‘‘విభవతణ్హా’’. అవసేసా తణ్హా కామతణ్హా.

తత్థ కతమా కామతణ్హా? కామధాతుపటిసంయుత్తో రాగో సారాగో చిత్తస్స సారాగో – అయం వుచ్చతి ‘‘కామతణ్హా’’.

( ) [(తత్థ కతమా భవతణ్హా)] రూపధాతుఅరూపధాతుపటిసంయుత్తో రాగో సారాగో చిత్తస్స సారాగో – అయం వుచ్చతి ‘‘భవతణ్హా’’.

( ) [(తత్థ కతమా విభవతణ్హా) (?)] ఉచ్ఛేదదిట్ఠిసహగతో రాగో సారాగో చిత్తస్స సారాగో – అయం వుచ్చతి ‘‘విభవతణ్హా’’. ఇమా తిస్సో తణ్హా.