తతియపదం

హేతుపచ్చయో

౮. నకుసలం నఅదుక్ఖమసుఖాయ వేదనాయ సమ్పయుత్తం ధమ్మం పటిచ్చ నకుసలో నఅదుక్ఖమసుఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా… పఞ్చ.

నఅకుసలం నఅదుక్ఖమసుఖాయ వేదనాయ సమ్పయుత్తం ధమ్మం పటిచ్చ నఅకుసలో నఅదుక్ఖమసుఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా… పఞ్చ.

నఅబ్యాకతం నఅదుక్ఖమసుఖాయ వేదనాయ సమ్పయుత్తం ధమ్మం పటిచ్చ నఅబ్యాకతో నఅదుక్ఖమసుఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా… ఛ.

నకుసలం నఅదుక్ఖమసుఖాయ వేదనాయ సమ్పయుత్తఞ్చ నఅబ్యాకతం నఅదుక్ఖమసుఖాయ వేదనాయ సమ్పయుత్తఞ్చ ధమ్మం పటిచ్చ నకుసలో నఅదుక్ఖమసుఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా… పఞ్చ.

నఅకుసలం నఅదుక్ఖమసుఖాయ వేదనాయ సమ్పయుత్తఞ్చ నఅబ్యాకతం నఅదుక్ఖమసుఖాయ వేదనాయ సమ్పయుత్తఞ్చ ధమ్మం పటిచ్చ నకుసలో నఅదుక్ఖమసుఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా… పఞ్చ.

నకుసలం నఅదుక్ఖమసుఖాయ వేదనాయ సమ్పయుత్తఞ్చ నఅకుసలం నఅదుక్ఖమసుఖాయ వేదనాయ సమ్పయుత్తఞ్చ ధమ్మం పటిచ్చ నకుసలో నఅదుక్ఖమసుఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా… తీణి. (సంఖిత్తం.)

హేతుయా ఏకూనతింస…పే… అవిగతే ఏకూనతింస. (సబ్బత్థ విత్థారో.)