౧-౨. కుసలత్తిక-విపాకత్తికం

౯. నకుసలం నవిపాకం ధమ్మం పటిచ్చ నకుసలో నవిపాకో ధమ్మో ఉప్పజ్జతి హేతుపచ్చయా. నకుసలం నవిపాకం ధమ్మం పటిచ్చ నఅకుసలో నవిపాకో ధమ్మో ఉప్పజ్జతి హేతుపచ్చయా. నకుసలం నవిపాకం ధమ్మం పటిచ్చ నఅబ్యాకతో నవిపాకో ధమ్మో ఉప్పజ్జతి హేతుపచ్చయా. నకుసలం నవిపాకం ధమ్మం పటిచ్చ నకుసలో నవిపాకో చ నఅబ్యాకతో నవిపాకో చ ధమ్మా ఉప్పజ్జన్తి హేతుపచ్చయా. నకుసలం నవిపాకం ధమ్మం పటిచ్చ నకుసలో నవిపాకో చ నఅకుసలో నవిపాకో చ ధమ్మా ఉప్పజ్జన్తి హేతుపచ్చయా. (౫)

నఅకుసలం నవిపాకం ధమ్మం పటిచ్చ నఅకుసలో నవిపాకో ధమ్మో ఉప్పజ్జతి హేతుపచ్చయా… పఞ్చ.

నఅబ్యాకతం నవిపాకం ధమ్మం పటిచ్చ నఅబ్యాకతో నవిపాకో ధమ్మో ఉప్పజ్జతి హేతుపచ్చయా… ఛ.

నకుసలం నవిపాకఞ్చ నఅబ్యాకతం నవిపాకఞ్చ ధమ్మం పటిచ్చ నకుసలో నవిపాకో ధమ్మో ఉప్పజ్జతి హేతుపచ్చయా… పఞ్చ.

నఅకుసలం నవిపాకఞ్చ నఅబ్యాకతం నవిపాకఞ్చ ధమ్మం పటిచ్చ నకుసలో నవిపాకో ధమ్మో ఉప్పజ్జతి హేతుపచ్చయా… పఞ్చ.

నకుసలం నవిపాకఞ్చ నఅకుసలం నవిపాకఞ్చ ధమ్మం పటిచ్చ నకుసలో నవిపాకో ధమ్మో ఉప్పజ్జతి హేతుపచ్చయా… తీణి. (సంఖిత్తం.)

హేతుయా ఏకూనతింస…పే… అవిగతే ఏకూనతింస. (సబ్బత్థ విత్థారో.)

౧౦. నకుసలం నవిపాకధమ్మధమ్మం పటిచ్చ నకుసలో నవిపాకధమ్మధమ్మో ఉప్పజ్జతి హేతుపచ్చయా. నకుసలం నవిపాకధమ్మధమ్మం పటిచ్చ నఅకుసలో నవిపాకధమ్మధమ్మో ఉప్పజ్జతి హేతుపచ్చయా. నకుసలం నవిపాకధమ్మధమ్మం పటిచ్చ నకుసలో నవిపాకధమ్మధమ్మో చ నఅకుసలో నవిపాకధమ్మధమ్మో చ ధమ్మా ఉప్పజ్జన్తి హేతుపచ్చయా. (౩)

నఅకుసలం నవిపాకధమ్మధమ్మం పటిచ్చ నఅకుసలో నవిపాకధమ్మధమ్మో ఉప్పజ్జతి హేతుపచ్చయా. నఅకుసలం నవిపాకధమ్మధమ్మం పటిచ్చ నకుసలో నవిపాకధమ్మధమ్మో ఉప్పజ్జతి హేతుపచ్చయా. నఅకుసలం నవిపాకధమ్మధమ్మం పటిచ్చ నకుసలో నవిపాకధమ్మధమ్మో చ నఅకుసలో నవిపాకధమ్మధమ్మో చ ధమ్మా ఉప్పజ్జన్తి హేతుపచ్చయా. (౩)

నకుసలం నవిపాకధమ్మధమ్మఞ్చ నఅకుసలం నవిపాకధమ్మధమ్మఞ్చ ధమ్మం పటిచ్చ నకుసలో నవిపాకధమ్మధమ్మో ఉప్పజ్జతి హేతుపచ్చయా. నకుసలం నవిపాకధమ్మధమ్మఞ్చ నఅకుసలం నవిపాకధమ్మధమ్మఞ్చ ధమ్మం పటిచ్చ నఅకుసలో నవిపాకధమ్మధమ్మో ఉప్పజ్జతి హేతుపచ్చయా. నకుసలం నవిపాకధమ్మధమ్మఞ్చ నఅకుసలం నవిపాకధమ్మధమ్మఞ్చ ధమ్మం పటిచ్చ నకుసలో నవిపాకధమ్మధమ్మో చ నఅకుసలో నవిపాకధమ్మధమ్మో చ ధమ్మా ఉప్పజ్జన్తి హేతుపచ్చయా. (౩) (సంఖిత్తం).

హేతుయా నవ…పే… అవిగతే నవ. (సబ్బత్థ నవ.)

౧౧. నకుసలం ననేవవిపాకనవిపాకధమ్మధమ్మం పటిచ్చ నకుసలో ననేవవిపాకనవిపాకధమ్మధమ్మో ఉప్పజ్జతి హేతుపచ్చయా.