నమో తస్స భగవతో అరహతో సమ్మాసమ్బుద్ధస్స

అభిధమ్మపిటకే

పట్ఠానపాళి

(పఞ్చమో భాగో)

ధమ్మానులోమే తికతికపట్ఠానం

౧-౧. కుసలత్తిక-వేదనాత్తికం

౧. సుఖాయవేదనాయసమ్పయుత్తపదం

౧-౭. పటిచ్చవారాది

పచ్చయచతుక్కం

హేతుపచ్చయో

౧. కుసలం సుఖాయ వేదనాయ సమ్పయుత్తం ధమ్మం పటిచ్చ కుసలో సుఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా. (౧)

అకుసలం సుఖాయ వేదనాయ సమ్పయుత్తం ధమ్మం పటిచ్చ అకుసలో సుఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా. (౧)

అబ్యాకతం సుఖాయ వేదనాయ సమ్పయుత్తం ధమ్మం పటిచ్చ అబ్యాకతో సుఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా. (౧) (సంఖిత్తం.)

౨. హేతుయా తీణి, ఆరమ్మణే తీణి…పే… అవిగతే తీణి. (సంఖిత్తం…పే… సహజాతవారమ్పి…పే… సమ్పయుత్తవారమ్పి పటిచ్చవారసదిసం.)

౩. కుసలో సుఖాయ వేదనాయ సమ్పయుత్తో ధమ్మో కుసలస్స సుఖాయ వేదనాయ సమ్పయుత్తస్స ధమ్మస్స హేతుపచ్చయేన పచ్చయో. (౧)

అకుసలో సుఖాయ వేదనాయ సమ్పయుత్తో ధమ్మో అకుసలస్స సుఖాయ వేదనాయ సమ్పయుత్తస్స ధమ్మస్స హేతుపచ్చయేన పచ్చయో. (౧)

అబ్యాకతో సుఖాయ వేదనాయ సమ్పయుత్తో ధమ్మో అబ్యాకతస్స సుఖాయ వేదనాయ సమ్పయుత్తస్స ధమ్మస్స హేతుపచ్చయేన పచ్చయో. (౧)

కుసలో సుఖాయ వేదనాయ సమ్పయుత్తో ధమ్మో కుసలస్స సుఖాయ వేదనాయ సమ్పయుత్తస్స ధమ్మస్స ఆరమ్మణపచ్చయేన పచ్చయో. (సంఖిత్తం.)

౪. హేతుయా తీణి, ఆరమ్మణే నవ. (సంఖిత్తం.)

(యథా కుసలత్తికే పఞ్హావారం ఏవం విత్థారేతబ్బం.)

౨. దుక్ఖాయవేదనాయసమ్పయుత్తపదం

౧-౭. పటిచ్చవారాది

పచ్చయచతుక్కం

హేతు-ఆరమ్మణపచ్చయా

౫. అకుసలం దుక్ఖాయ వేదనాయ సమ్పయుత్తం ధమ్మం పటిచ్చ అకుసలో దుక్ఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా. (౧)

అకుసలం దుక్ఖాయ వేదనాయ సమ్పయుత్తం ధమ్మం పటిచ్చ అకుసలో దుక్ఖాయ వేదనాయ సమ్పయుత్తో ధమ్మో ఉప్పజ్జతి ఆరమ్మణపచ్చయా. (౧)

అబ్యాకతం దుక్ఖాయ వేదనాయ సమ్పయుత్తం ధమ్మం పటిచ్చ అబ్యాకతో దుక్ఖాయ వేదనాయ సమ్పయుత్తో ధమ్మో ఉప్పజ్జతి ఆరమ్మణపచ్చయా. (౧) (సంఖిత్తం.)

౬. హేతుయా ఏకం, ఆరమ్మణే ద్వే…పే… అవిగతే ద్వే. (సంఖిత్తం.) (సహజాతవారమ్పి…పే… సమ్పయుత్తవారమ్పి పటిచ్చవారసదిసం.)

౭. అకుసలో దుక్ఖాయ వేదనాయ సమ్పయుత్తో ధమ్మో అకుసలస్స దుక్ఖాయ వేదనాయ సమ్పయుత్తస్స ధమ్మస్స హేతుపచ్చయేన పచ్చయో. (౧)

అకుసలో దుక్ఖాయ వేదనాయ సమ్పయుత్తో ధమ్మో అకుసలస్స దుక్ఖాయ వేదనాయ సమ్పయుత్తస్స ధమ్మస్స ఆరమ్మణపచ్చయేన పచ్చయో. (౧)

అబ్యాకతో దుక్ఖాయ వేదనాయ సమ్పయుత్తో ధమ్మో అకుసలస్స దుక్ఖాయ వేదనాయ సమ్పయుత్తస్స ధమ్మస్స ఆరమ్మణపచ్చయేన పచ్చయో. (౧) (సంఖిత్తం.)

౮. హేతుయా ఏకం, ఆరమ్మణే ద్వే. (సంఖిత్తం. యథా కుసలత్తికే పఞ్హావారం ఏవం విత్థారేతబ్బం.)

౩. అదుక్ఖమసుఖవేదనాయసమ్పయుత్తపదం

౧-౭. పటిచ్చవారాది

పచ్చయచతుక్కం

హేతుపచ్చయో

౯. కుసలం అదుక్ఖమసుఖాయ వేదనాయ సమ్పయుత్తం ధమ్మం పటిచ్చ కుసలో అదుక్ఖమసుఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా. (౧)

అకుసలం అదుక్ఖమసుఖాయ వేదనాయ సమ్పయుత్తం ధమ్మం పటిచ్చ అకుసలో అదుక్ఖమసుఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా. (౧)

అబ్యాకతం అదుక్ఖమసుఖాయ వేదనాయ సమ్పయుత్తం ధమ్మం పటిచ్చ అబ్యాకతో అదుక్ఖమసుఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా. (౧)

౧౦. హేతుయా తీణి, ఆరమ్మణే తీణి…పే… అవిగతే తీణి. (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం).

౧౧. కుసలో అదుక్ఖమసుఖాయ వేదనాయ సమ్పయుత్తో ధమ్మో కుసలస్స అదుక్ఖమసుఖాయ వేదనాయ సమ్పయుత్తస్స ధమ్మస్స హేతుపచ్చయేన పచ్చయో. (౧)

అకుసలో అదుక్ఖమసుఖాయ వేదనాయ సమ్పయుత్తో ధమ్మో అకుసలస్స అదుక్ఖమసుఖాయ వేదనాయ సమ్పయుత్తస్స ధమ్మస్స హేతుపచ్చయేన పచ్చయో. (౧)

అబ్యాకతో అదుక్ఖమసుఖాయ వేదనాయ సమ్పయుత్తో ధమ్మో అబ్యాకతస్స అదుక్ఖమసుఖాయ వేదనాయ సమ్పయుత్తస్స ధమ్మస్స హేతుపచ్చయేన పచ్చయో. (౧) (సంఖిత్తం.)

౧౨. హేతుయా తీణి, ఆరమ్మణే నవ, అధిపతియా సత్త, అనన్తరే సత్త…పే… ఉపనిస్సయే నవ, అవిగతే తీణి. (సంఖిత్తం. యథా కుసలత్తికే పఞ్హావారం ఏవం విత్థారేతబ్బం.)

౧-౨. కుసలత్తిక-విపాకత్తికం

౧-౭. పటిచ్చవారాది

పచ్చయచతుక్కం

౧౩. అబ్యాకతం విపాకం ధమ్మం పటిచ్చ అబ్యాకతో విపాకో ధమ్మో ఉప్పజ్జతి హేతుపచ్చయా. (సంఖిత్తం.)

హేతుయా ఏకం, ఆరమ్మణే ఏకం…పే… అవిగతే ఏకం. (సంఖిత్తం.)

(సహజాతవారేపి…పే… పఞ్హావారేపి సబ్బత్థ ఏకం.)

౧౪. కుసలం విపాకధమ్మధమ్మం పటిచ్చ కుసలో విపాకధమ్మధమ్మో ఉప్పజ్జతి హేతుపచ్చయా. (౧)

అకుసలం విపాకధమ్మధమ్మం పటిచ్చ అకుసలో విపాకధమ్మధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా ద్వే, ఆరమ్మణే ద్వే…పే… అవిగతే ద్వే. (సంఖిత్తం.)

(సహజాతవారమ్పి…పే… సమ్పయుత్తవారమ్పి పటిచ్చవారసదిసం.)

౧౫. కుసలో విపాకధమ్మధమ్మో కుసలస్స విపాకధమ్మధమ్మస్స హేతుపచ్చయేన పచ్చయో. (౧)

అకుసలో విపాకధమ్మధమ్మో అకుసలస్స విపాకధమ్మధమ్మస్స హేతుపచ్చయేన పచ్చయో. (౧)

కుసలో విపాకధమ్మధమ్మో కుసలస్స విపాకధమ్మధమ్మస్స ఆరమ్మణపచ్చయేన పచ్చయో. కుసలో విపాకధమ్మధమ్మో అకుసలస్స విపాకధమ్మధమ్మస్స ఆరమ్మణపచ్చయేన పచ్చయో. (౨)

అకుసలో విపాకధమ్మధమ్మో అకుసలస్స విపాకధమ్మధమ్మస్స ఆరమ్మణపచ్చయేన పచ్చయో. అకుసలో విపాకధమ్మధమ్మో కుసలస్స విపాకధమ్మధమ్మస్స ఆరమ్మణపచ్చయేన పచ్చయో. (౨) (సంఖిత్తం.)

౧౬. హేతుయా ద్వే, ఆరమ్మణే చత్తారి, అధిపతియా తీణి, అనన్తరే ద్వే…పే… సహజాతే ద్వే, ఉపనిస్సయే చత్తారి…పే… అవిగతే ద్వే. (సంఖిత్తం. యథా కుసలత్తికే పఞ్హావారం ఏవం విత్థారేతబ్బం.)

౧౭. అబ్యాకతం నేవవిపాకనవిపాకధమ్మధమ్మం పటిచ్చ అబ్యాకతో నేవవిపాకనవిపాకధమ్మధమ్మో ఉప్పజ్జతి హేతుపచ్చయా. (సంఖిత్తం.)

హేతుయా ఏకం, ఆరమ్మణే ఏకం…పే… అవిగతే ఏకం. (సంఖిత్తం.)

(సహజాతవారేపి…పే… పఞ్హావారేపి సబ్బత్థ ఏకం.)

౧-౩. కుసలత్తిక-ఉపాదిన్నత్తికం

౧-౭. పటిచ్చవారాది

పచ్చయచతుక్కం

౧౮. అబ్యాకతం ఉపాదిన్నుపాదానియం ధమ్మం పటిచ్చ అబ్యాకతో ఉపాదిన్నుపాదానియో ధమ్మో ఉప్పజ్జతి హేతుపచ్చయా. (సంఖిత్తం.)

హేతుయా ఏకం…పే… అవిగతే ఏకం. (సంఖిత్తం.)

(సహజాతవారేపి…పే… పఞ్హావారేపి సబ్బత్థ ఏకం.)

౧౯. కుసలం అనుపాదిన్నుపాదానియం ధమ్మం పటిచ్చ కుసలో అనుపాదిన్నుపాదానియో ధమ్మో ఉప్పజ్జతి హేతుపచ్చయా… తీణి.

అకుసలం అనుపాదిన్నుపాదానియం ధమ్మం పటిచ్చ అకుసలో అనుపాదిన్నుపాదానియో ధమ్మో ఉప్పజ్జతి హేతుపచ్చయా… తీణి.

అబ్యాకతం అనుపాదిన్నుపాదానియం ధమ్మం పటిచ్చ అబ్యాకతో అనుపాదిన్నుపాదానియో ధమ్మో ఉప్పజ్జతి హేతుపచ్చయా. (౧)

కుసలం అనుపాదిన్నుపాదానియఞ్చ అబ్యాకతం అనుపాదిన్నుపాదానియఞ్చ ధమ్మం పటిచ్చ అబ్యాకతో అనుపాదిన్నుపాదానియో ధమ్మో ఉప్పజ్జతి హేతుపచ్చయా. (౧)

అకుసలం అనుపాదిన్నుపాదానియఞ్చ అబ్యాకతం అనుపాదిన్నుపాదానియఞ్చ ధమ్మం పటిచ్చ అబ్యాకతో అనుపాదిన్నుపాదానియో ధమ్మో ఉప్పజ్జతి హేతుపచ్చయా. (౧) (సంఖిత్తం.)

౨౦. హేతుయా నవ, అవిగతే నవ. (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం.)

౨౧. కుసలో అనుపాదిన్నుపాదానియో ధమ్మో కుసలస్స అనుపాదిన్నుపాదానియస్స ధమ్మస్స హేతుపచ్చయేన పచ్చయో… తీణి.

అకుసలో అనుపాదిన్నుపాదానియో ధమ్మో అకుసలస్స అనుపాదిన్నుపాదానియస్స ధమ్మస్స హేతుపచ్చయేన పచ్చయో… తీణి.

అబ్యాకతో అనుపాదిన్నుపాదానియో ధమ్మో అబ్యాకతస్స అనుపాదిన్నుపాదానియస్స ధమ్మస్స హేతుపచ్చయేన పచ్చయో. (౧)

౨౨. కుసలో అనుపాదిన్నుపాదానియో ధమ్మో కుసలస్స అనుపాదిన్నుపాదానియస్స ధమ్మస్స ఆరమ్మణపచ్చయేన పచ్చయో… తీణి.

అకుసలో అనుపాదిన్నుపాదానియో ధమ్మో అకుసలస్స అనుపాదిన్నుపాదానియస్స ధమ్మస్స ఆరమ్మణపచ్చయేన పచ్చయో… తీణి.

అబ్యాకతో అనుపాదిన్నుపాదానియో ధమ్మో అబ్యాకతస్స అనుపాదిన్నుపాదానియస్స ధమ్మస్స ఆరమ్మణపచ్చయేన పచ్చయో… తీణి. (సంఖిత్తం.)

౨౩. హేతుయా సత్త, ఆరమ్మణే నవ, అవిగతే ఏకాదస. (సంఖిత్తం.)

(యథా కుసలత్తికే పఞ్హావారం ఏవం విత్థారేతబ్బం.)

౨౪. కుసలం అనుపాదిన్నఅనుపాదానియం ధమ్మం పటిచ్చ కుసలో అనుపాదిన్నుపాదానియో ధమ్మో ఉప్పజ్జతి హేతుపచ్చయా. (౧)

అబ్యాకతం అనుపాదిన్నఅనుపాదానియం ధమ్మం పటిచ్చ అబ్యాకతో అనుపాదిన్నఅనుపాదానియో ధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా ద్వే, అవిగతే ద్వే. (సంఖిత్తం, సహజాతవారమ్పి…పే… పఞ్హావారమ్పి సబ్బత్థ విత్థారో.)

౧-౪. కుసలత్తిక-సంకిలిట్ఠత్తికం

౧-౭. పటిచ్చవారాది

పచ్చయచతుక్కం

౨౫. అకుసలం సంకిలిట్ఠసంకిలేసికం ధమ్మం పటిచ్చ అకుసలో సంకిలిట్ఠసంకిలేసికో ధమ్మో ఉప్పజ్జతి హేతుపచ్చయా. (సంఖిత్తం.)

హేతుయా ఏకం…పే… అవిగతే ఏకం. (సంఖిత్తం.)

(సహజాతవారేపి…పే… పఞ్హావారేపి సబ్బత్థ ఏకం.)

౨౬. కుసలం అసంకిలిట్ఠసంకిలేసికం ధమ్మం పటిచ్చ కుసలో అసంకిలిట్ఠసంకిలేసికో ధమ్మో ఉప్పజ్జతి హేతుపచ్చయా… తీణి.

అబ్యాకతం అసంకిలిట్ఠసంకిలేసికం ధమ్మం పటిచ్చ అబ్యాకతో అసంకిలిట్ఠసంకిలేసికో ధమ్మో ఉప్పజ్జతి హేతుపచ్చయా. (౧)

కుసలం అసంకిలిట్ఠసంకిలేసికఞ్చ అబ్యాకతం అసంకిలిట్ఠసంకిలేసికఞ్చ ధమ్మం పటిచ్చ అబ్యాకతో అసంకిలిట్ఠసంకిలేసికో ధమ్మో ఉప్పజ్జతి హేతుపచ్చయా. (౧)

౨౭. హేతుయా పఞ్చ, అవిగతే పఞ్చ. (సంఖిత్తం. సహజాతవారేపి…పే… పఞ్హావారేపి సబ్బత్థ విత్థారో.)

౨౮. కుసలం అసంకిలిట్ఠఅసంకిలేసికం ధమ్మం పటిచ్చ కుసలో అసంకిలిట్ఠఅసంకిలేసికో ధమ్మో ఉప్పజ్జతి హేతుపచ్చయా. (౧)

అబ్యాకతం అసంకిలిట్ఠఅసంకిలేసికం ధమ్మం పటిచ్చ అబ్యాకతో అసంకిలిట్ఠఅసంకిలేసికో ధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా ద్వే…పే… అవిగతే ద్వే. (సంఖిత్తం. సహజాతవారేపి…పే… పఞ్హావారేపి సబ్బత్థ విత్థారేతబ్బం.)

౧-౫. కుసలత్తిక-వితక్కత్తికం

౧-౭. పటిచ్చవారాది

పచ్చయచతుక్కం

హేతుపచ్చయో

౨౯. కుసలం సవితక్కసవిచారం ధమ్మం పటిచ్చ కుసలో సవితక్కసవిచారో ధమ్మో ఉప్పజ్జతి హేతుపచ్చయా. (౧)

అకుసలం సవితక్కసవిచారం ధమ్మం పటిచ్చ అకుసలో సవితక్కసవిచారో ధమ్మో ఉప్పజ్జతి హేతుపచ్చయా. (౧)

అబ్యాకతం సవితక్కసవిచారం ధమ్మం పటిచ్చ అబ్యాకతో సవితక్కసవిచారో ధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా తీణి, ఆరమ్మణే తీణి, అవిగతే తీణి. (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం.)

౩౦. కుసలో సవితక్కసవిచారో ధమ్మో కుసలస్స సవితక్కసవిచారస్స ధమ్మస్స హేతుపచ్చయేన పచ్చయో. (౧)

అకుసలో సవితక్కసవిచారో ధమ్మో అకుసలస్స సవితక్కసవిచారస్స ధమ్మస్స హేతుపచ్చయేన పచ్చయో. (౧)

అబ్యాకతో సవితక్కసవిచారో ధమ్మో అబ్యాకతస్స సవితక్కసవిచారస్స ధమ్మస్స హేతుపచ్చయేన పచ్చయో. (౧) (సంఖిత్తం.)

౩౧. హేతుయా తీణి, ఆరమ్మణే నవ, అవిగతే తీణి. (సంఖిత్తం.) (యథా కుసలత్తికే పఞ్హావారం ఏవం విత్థారేతబ్బం).

౩౨. కుసలం అవితక్కవిచారమత్తం ధమ్మం పటిచ్చ కుసలో అవితక్కవిచారమత్తో ధమ్మో ఉప్పజ్జతి హేతుపచ్చయా. (౧)

అబ్యాకతం అవితక్కవిచారమత్తం ధమ్మం పటిచ్చ అబ్యాకతో అవితక్కవిచారమత్తో ధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా ద్వే, అవిగతే ద్వే. (సంఖిత్తం.)

(సహజాతవారేపి…పే… సమ్పయుత్తవారేపి పఞ్హావారేపి సబ్బత్థ విత్థారో.)

౩౩. కుసలం అవితక్కఅవిచారం ధమ్మం పటిచ్చ కుసలో అవితక్కఅవిచారో ధమ్మో ఉప్పజ్జతి హేతుపచ్చయా… తీణి.

అబ్యాకతం అవితక్కఅవిచారం ధమ్మం పటిచ్చ అబ్యాకతో అవితక్కఅవిచారో ధమ్మో ఉప్పజ్జతి హేతుపచ్చయా. (౧)

కుసలం అవితక్కఅవిచారఞ్చ అబ్యాకతం అవితక్కఅవిచారఞ్చ ధమ్మం పటిచ్చ అబ్యాకతో అవితక్కఅవిచారో ధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా పఞ్చ, ఆరమ్మణే ద్వే, అవిగతే పఞ్చ. (సంఖిత్తం. సహజాతవారమ్పి…పే… పఞ్హావారమ్పి విత్థారేతబ్బం.)

౧-౬. కుసలత్తిక-పీతిత్తికం

౧-౭. పటిచ్చవారాది

పచ్చయచతుక్కం

హేతుపచ్చయో

౩౪. కుసలం పీతిసహగతం ధమ్మం పటిచ్చ కుసలో పీతిసహగతో ధమ్మో ఉప్పజ్జతి హేతుపచ్చయా. (౧)

అకుసలం పీతిసహగతం ధమ్మం పటిచ్చ అకుసలో పీతిసహగతో ధమ్మో ఉప్పజ్జతి హేతుపచ్చయా. (౧)

అబ్యాకతం పీతిసహగతం ధమ్మం పటిచ్చ అబ్యాకతో పీతిసహగతో ధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా తీణి, ఆరమ్మణే తీణి, అవిగతే తీణి. (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం.)

౩౫. కుసలో పీతిసహగతో ధమ్మో కుసలస్స పీతిసహగతస్స ధమ్మస్స హేతుపచ్చయేన పచ్చయో. (౧)

అకుసలో పీతిసహగతో ధమ్మో అకుసలస్స పీతిసహగతస్స ధమ్మస్స హేతుపచ్చయేన పచ్చయో. (౧)

అబ్యాకతో పీతిసహగతో ధమ్మో అబ్యాకతస్స పీతిసహగతస్స ధమ్మస్స హేతుపచ్చయేన పచ్చయో. (౧) (సంఖిత్తం.)

హేతుయా తీణి, ఆరమ్మణే నవ, అధిపతియా సత్త, అనన్తరే పఞ్చ అవిగతే తీణి. (సంఖిత్తం.)

(యథా కుసలత్తికే పఞ్హావారం ఏవం విత్థారేతబ్బం.)

౩౬. కుసలం సుఖసహగతం ధమ్మం పటిచ్చ కుసలో సుఖసహగతో ధమ్మో ఉప్పజ్జతి హేతుపచ్చయా. (౧)

అకుసలం సుఖసహగతం ధమ్మం పటిచ్చ అకుసలో సుఖసహగతో ధమ్మో ఉప్పజ్జతి హేతుపచ్చయా. (౧)

అబ్యాకతం సుఖసహగతం ధమ్మం పటిచ్చ అబ్యాకతో సుఖసహగతో ధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా తీణి, ఆరమ్మణే తీణి, అవిగతే తీణి. (సంఖిత్తం. సహజాతవారమ్పి…పే… పఞ్హావారమ్పి విత్థారేతబ్బం.)

౩౭. కుసలం ఉపేక్ఖాసహగతం ధమ్మం పటిచ్చ కుసలో ఉపేక్ఖాసహగతో ధమ్మో ఉప్పజ్జతి హేతుపచ్చయా. (౧)

అకుసలం ఉపేక్ఖాసహగతం ధమ్మం పటిచ్చ అకుసలో ఉపేక్ఖాసహగతో ధమ్మో ఉప్పజ్జతి హేతుపచ్చయా. (౧)

అబ్యాకతం ఉపేక్ఖాసహగతం ధమ్మం పటిచ్చ అబ్యాకతో ఉపేక్ఖాసహగతో ధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా తీణి, అవిగతే తీణి. (సంఖిత్తం.)

(సహజాతవారమ్పి…పే… పఞ్హావారమ్పి విత్థారేతబ్బం.)

౧-౭. కుసలత్తిక-దస్సనత్తికం

౧-౭. పటిచ్చవారాది

పచ్చయచతుక్కం

౩౮. అకుసలం దస్సనేన పహాతబ్బం ధమ్మం పటిచ్చ అకుసలో దస్సనేన పహాతబ్బో ధమ్మో ఉప్పజ్జతి హేతుపచ్చయా. (సంఖిత్తం.)

హేతుయా ఏకం…పే… అవిగతే ఏకం. (సంఖిత్తం.)

(సహజాతవారేపి…పే… పఞ్హావారేపి సబ్బత్థ ఏకం.)

౩౯. అకుసలం భావనాయ పహాతబ్బం ధమ్మం పటిచ్చ అకుసలో భావనాయ పహాతబ్బో ధమ్మో ఉప్పజ్జతి హేతుపచ్చయా. (౧) (సంఖిత్తం.)

హేతుయా ఏకం…పే… అవిగతే ఏకం. (సంఖిత్తం.)

౪౦. కుసలం నేవదస్సనేన నభావనాయ పహాతబ్బం ధమ్మం పటిచ్చ కుసలో నేవదస్సనేన నభావనాయ పహాతబ్బో ధమ్మో ఉప్పజ్జతి హేతుపచ్చయా… తీణి.

అబ్యాకతం నేవదస్సనేన నభావనాయ పహాతబ్బం ధమ్మం పటిచ్చ అబ్యాకతో నేవదస్సనేన నభావనాయ పహాతబ్బో ధమ్మో ఉప్పజ్జతి హేతుపచ్చయా. (౧)