దుక్ఖాయవేదనాయసమ్పయుత్తపదం

హేతుపచ్చయో

౭. నకుసలం నదుక్ఖాయ వేదనాయ సమ్పయుత్తం ధమ్మం పటిచ్చ నకుసలో నదుక్ఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా. నకుసలం నదుక్ఖాయ వేదనాయ సమ్పయుత్తం ధమ్మం పటిచ్చ నఅకుసలో నదుక్ఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా. నకుసలం నదుక్ఖాయ వేదనాయ సమ్పయుత్తం ధమ్మం పటిచ్చ నఅబ్యాకతో నదుక్ఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా. నకుసలం నదుక్ఖాయ వేదనాయ సమ్పయుత్తం ధమ్మం పటిచ్చ నకుసలో నదుక్ఖాయ వేదనాయ సమ్పయుత్తో చ నఅబ్యాకతో నదుక్ఖాయ వేదనాయ సమ్పయుత్తో చ ధమ్మా ఉప్పజ్జన్తి హేతుపచ్చయా. నకుసలం నదుక్ఖాయ వేదనాయ సమ్పయుత్తం ధమ్మం పటిచ్చ నకుసలో నదుక్ఖాయ వేదనాయ సమ్పయుత్తో చ నఅకుసలో నదుక్ఖాయ వేదనాయ సమ్పయుత్తో చ ధమ్మా ఉప్పజ్జన్తి హేతుపచ్చయా. (౫)

నఅకుసలం నదుక్ఖాయ వేదనాయ సమ్పయుత్తం ధమ్మం పటిచ్చ నఅకుసలో నదుక్ఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా… పఞ్చ.

నఅబ్యాకతం నదుక్ఖాయ వేదనాయ సమ్పయుత్తం ధమ్మం పటిచ్చ నఅబ్యాకతో నదుక్ఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా… ఛ.

నకుసలం నదుక్ఖాయ వేదనాయ సమ్పయుత్తఞ్చ నఅబ్యాకతం నదుక్ఖాయ వేదనాయ సమ్పయుత్తఞ్చ ధమ్మం పటిచ్చ నకుసలో నదుక్ఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా… పఞ్చ.

నఅకుసలం నదుక్ఖాయ వేదనాయ సమ్పయుత్తఞ్చ నఅబ్యాకతం నదుక్ఖాయ వేదనాయ సమ్పయుత్తఞ్చ ధమ్మం పటిచ్చ నకుసలో నదుక్ఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా… పఞ్చ.

నకుసలం నదుక్ఖాయ వేదనాయ సమ్పయుత్తఞ్చ నఅకుసలం నదుక్ఖాయ వేదనాయ సమ్పయుత్తఞ్చ ధమ్మం పటిచ్చ నకుసలో నదుక్ఖాయ వేదనాయ సమ్పయుత్తో ధమ్మో ఉప్పజ్జతి హేతుపచ్చయా… తీణి. (సంఖిత్తం.)

హేతుయా ఏకూనతింస…పే… అవిగతే ఏకూనతింస. (సబ్బత్థ విత్థారేతబ్బం.)