౭-౧౩. చూళన్తరదుకాది

౭. నఅప్పచ్చయం ధమ్మం పటిచ్చ సప్పచ్చయో ధమ్మో ఉప్పజ్జతి హేతుపచ్చయా. హేతుయా ఏకం.

౮. నఅసఙ్ఖతం ధమ్మం పటిచ్చ సఙ్ఖతో ధమ్మో ఉప్పజ్జతి హేతుపచ్చయా. హేతుయా ఏకం.

౯. నసనిదస్సనం ధమ్మం పటిచ్చ సనిదస్సనో ధమ్మో ఉప్పజ్జతి హేతుపచ్చయా. నసనిదస్సనం ధమ్మం పటిచ్చ అనిదస్సనో ధమ్మో ఉప్పజ్జతి హేతుపచ్చయా. నసనిదస్సనం ధమ్మం పటిచ్చ సనిదస్సనో చ అనిదస్సనో చ ధమ్మా ఉప్పజ్జన్తి హేతుపచ్చయా. హేతుయా తీణి.

నసనిదస్సనో ధమ్మో సనిదస్సనస్స ధమ్మస్స హేతుపచ్చయేన పచ్చయో… తీణి.

నసనిదస్సనో ధమ్మో అనిదస్సనస్స ధమ్మస్స ఆరమ్మణపచ్చయేన పచ్చయో. నఅనిదస్సనో ధమ్మో అనిదస్సనస్స ధమ్మస్స ఆరమ్మణపచ్చయేన పచ్చయో.

౧౦. నసప్పటిఘం ధమ్మం పటిచ్చ సప్పటిఘో ధమ్మో ఉప్పజ్జతి హేతుపచ్చయా. నసప్పటిఘం ధమ్మం పటిచ్చ అప్పటిఘో ధమ్మో ఉప్పజ్జతి హేతుపచ్చయా. నసప్పటిఘం ధమ్మం పటిచ్చ సప్పటిఘో చ అప్పటిఘో చ ధమ్మా ఉప్పజ్జన్తి హేతుపచ్చయా. తీణి.

నఅప్పటిఘం ధమ్మం పటిచ్చ అప్పటిఘో ధమ్మో ఉప్పజ్జతి హేతుపచ్చయా. నఅప్పటిఘం ధమ్మం పటిచ్చ సప్పటిఘో ధమ్మో ఉప్పజ్జతి హేతుపచ్చయా. నఅప్పటిఘం ధమ్మం పటిచ్చ సప్పటిఘో చ అప్పటిఘో చ ధమ్మా ఉప్పజ్జన్తి హేతుపచ్చయా. తీణి.

నసప్పటిఘఞ్చ నఅప్పటిఘఞ్చ ధమ్మం పటిచ్చ సప్పటిఘో ధమ్మో ఉప్పజ్జతి హేతుపచ్చయా… తీణి. హేతుయా నవ.

౧౧. నరూపిం ధమ్మం పటిచ్చ రూపీ ధమ్మో ఉప్పజ్జతి హేతుపచ్చయా… హేతుయా నవ.

౧౨. నలోకియం ధమ్మం పటిచ్చ లోకియో ధమ్మో ఉప్పజ్జతి హేతుపచ్చయా. నలోకియం ధమ్మం పటిచ్చ లోకుత్తరో ధమ్మో ఉప్పజ్జతి హేతుపచ్చయా. నలోకియం ధమ్మం పటిచ్చ లోకియో చ లోకుత్తరో చ ధమ్మా ఉప్పజ్జన్తి హేతుపచ్చయా. (౩)

నలోకుత్తరం ధమ్మం పటిచ్చ లోకియో ధమ్మో ఉప్పజ్జతి హేతుపచ్చయా. (౧)

నలోకియఞ్చ నలోకుత్తరఞ్చ ధమ్మం పటిచ్చ లోకియో ధమ్మో ఉప్పజ్జతి హేతుపచ్చయా. (౧). హేతుయా పఞ్చ.

౧౩. నకేనచి విఞ్ఞేయ్యం ధమ్మం పటిచ్చ కేనచి విఞ్ఞేయ్యో ధమ్మో ఉప్పజ్జతి హేతుపచ్చయా… హేతుయా నవ.