౧౪-౧౯. ఆసవగోచ్ఛకం

౧౪. నఆసవం ధమ్మం పటిచ్చ ఆసవో ధమ్మో ఉప్పజ్జతి హేతుపచ్చయా. నఆసవం ధమ్మం పటిచ్చ నోఆసవో ధమ్మో ఉప్పజ్జతి హేతుపచ్చయా. నఆసవం ధమ్మం పటిచ్చ ఆసవో చ నోఆసవో చ ధమ్మా ఉప్పజ్జన్తి హేతుపచ్చయా. తీణి.

ననోఆసవం ధమ్మం పటిచ్చ నోఆసవో ధమ్మో ఉప్పజ్జతి హేతుపచ్చయా. ననోఆసవం ధమ్మం పటిచ్చ ఆసవో ధమ్మో ఉప్పజ్జతి హేతుపచ్చయా. ననోఆసవం ధమ్మం పటిచ్చ ఆసవో చ నోఆసవో చ ధమ్మా ఉప్పజ్జన్తి హేతుపచ్చయా. తీణి.

నఆసవఞ్చ ననోఆసవఞ్చ ధమ్మం పటిచ్చ ఆసవో ధమ్మో ఉప్పజ్జతి హేతుపచ్చయా… తీణి. హేతుయా నవ.

౧౫. నసాసవం ధమ్మం పటిచ్చ సాసవో ధమ్మో ఉప్పజ్జతి హేతుపచ్చయా. నసాసవం ధమ్మం పటిచ్చ అనాసవో ధమ్మో ఉప్పజ్జతి హేతుపచ్చయా. నసాసవం ధమ్మం పటిచ్చ సాసవో చ అనాసవో చ ధమ్మా ఉప్పజ్జన్తి హేతుపచ్చయా. తీణి.

నఅనాసవం ధమ్మం పటిచ్చ సాసవో ధమ్మో ఉప్పజ్జతి హేతుపచ్చయా. ఏకం.

నసాసవఞ్చ నఅనాసవఞ్చ ధమ్మం పటిచ్చ సాసవో ధమ్మో ఉప్పజ్జతి హేతుపచ్చయా. ఏకం. (సంఖిత్తం.) హేతుయా పఞ్చ.

౧౬. నఆసవసమ్పయుత్తం ధమ్మం పటిచ్చ ఆసవసమ్పయుత్తో ధమ్మో ఉప్పజ్జతి హేతుపచ్చయా… హేతుయా నవ.

౧౭. నఆసవఞ్చేవ అనాసవఞ్చ ధమ్మం పటిచ్చ ఆసవో చేవ సాసవో చ ధమ్మో ఉప్పజ్జతి హేతుపచ్చయా… హేతుయా నవ.

౧౮. నఆసవఞ్చేవ నఆసవవిప్పయుత్తఞ్చ ధమ్మం పటిచ్చ ఆసవో చేవ ఆసవసమ్పయుత్తో చ ధమ్మో ఉప్పజ్జతి హేతుపచ్చయా… హేతుయా నవ.

౧౯. ఆసవవిప్పయుత్తం నసాసవం ధమ్మం పటిచ్చ ఆసవవిప్పయుత్తో సాసవో ధమ్మో ఉప్పజ్జతి హేతుపచ్చయా… హేతుయా పఞ్చ.