౧-౫౭. కుసలత్తిక-చేతసికదుకం

౩౫. కుసలం చేతసికం ధమ్మం పటిచ్చ నకుసలో నచేతసికో ధమ్మో ఉప్పజ్జతి హేతుపచ్చయా. కుసలం చేతసికం ధమ్మం పటిచ్చ నఅకుసలో నచేతసికో ధమ్మో ఉప్పజ్జతి హేతుపచ్చయా. కుసలం చేతసికం ధమ్మం పటిచ్చ నఅబ్యాకతో నచేతసికో ధమ్మో ఉప్పజ్జతి హేతుపచ్చయా. కుసలం చేతసికం ధమ్మం పటిచ్చ నఅకుసలో నచేతసికో చ నఅబ్యాకతో నచేతసికో చ ధమ్మా ఉప్పజ్జన్తి హేతుపచ్చయా. కుసలం చేతసికం ధమ్మం పటిచ్చ నకుసలో నచేతసికో చ నఅకుసలో నచేతసికో చ ధమ్మా ఉప్పజ్జన్తి హేతుపచ్చయా. పఞ్చ.

అకుసలం చేతసికం ధమ్మం పటిచ్చ నఅకుసలో నచేతసికో ధమ్మో ఉప్పజ్జతి హేతుపచ్చయా. అకుసలం చేతసికం ధమ్మం పటిచ్చ నకుసలో నచేతసికో ధమ్మో ఉప్పజ్జతి హేతుపచ్చయా. అకుసలం చేతసికం ధమ్మం పటిచ్చ నఅబ్యాకతో నచేతసికో ధమ్మో ఉప్పజ్జతి హేతుపచ్చయా. అకుసలం చేతసికం ధమ్మం పటిచ్చ నకుసలో నచేతసికో చ నఅబ్యాకతో నచేతసికో చ ధమ్మా ఉప్పజ్జన్తి హేతుపచ్చయా. అకుసలం చేతసికం ధమ్మం పటిచ్చ నకుసలో నచేతసికో చ నఅకుసలో నచేతసికో చ ధమ్మా ఉప్పజ్జన్తి హేతుపచ్చయా. పఞ్చ.

అబ్యాకతం చేతసికం ధమ్మం పటిచ్చ నకుసలో నచేతసికో ధమ్మో ఉప్పజ్జతి హేతుపచ్చయా. అబ్యాకతం చేతసికం ధమ్మం పటిచ్చ నఅకుసలో నచేతసికో ధమ్మో ఉప్పజ్జతి హేతుపచ్చయా. అబ్యాకతం చేతసికం ధమ్మం పటిచ్చ నకుసలో నచేతసికో చ నఅకుసలో నచేతసికో చ ధమ్మా ఉప్పజ్జన్తి హేతుపచ్చయా. తీణి.

హేతుయా తేరస. అచేతసికాని నవ.