౧-౫౮. కుసలత్తిక-చిత్తసమ్పయుత్తదుకం

౩౬. కుసలం చిత్తసమ్పయుత్తం ధమ్మం పటిచ్చ నకుసలో నచిత్తసమ్పయుత్తో ధమ్మో ఉప్పజ్జతి హేతుపచ్చయా. కుసలం చిత్తసమ్పయుత్తం ధమ్మం పటిచ్చ నఅకుసలో నచిత్తసమ్పయుత్తో ధమ్మో ఉప్పజ్జతి హేతుపచ్చయా. కుసలం చిత్తసమ్పయుత్తం ధమ్మం పటిచ్చ నఅబ్యాకతో నచిత్తసమ్పయుత్తో ధమ్మో ఉప్పజ్జతి హేతుపచ్చయా. కుసలం చిత్తసమ్పయుత్తం ధమ్మం పటిచ్చ నఅకుసలో నచిత్తసమ్పయుత్తో చ నఅబ్యాకతో నచిత్తసమ్పయుత్తో చ ధమ్మా ఉప్పజ్జన్తి హేతుపచ్చయా. కుసలం చిత్తసమ్పయుత్తం ధమ్మం పటిచ్చ నకుసలో నచిత్తసమ్పయుత్తో చ నఅకుసలో నచిత్తసమ్పయుత్తో చ ధమ్మా ఉప్పజ్జన్తి హేతుపచ్చయా. పఞ్చ.

అకుసలం చిత్తసమ్పయుత్తం ధమ్మం పటిచ్చ నఅకుసలో నచిత్తసమ్పయుత్తో ధమ్మో ఉప్పజ్జతి హేతుపచ్చయా… పఞ్చ.

అబ్యాకతం చిత్తసమ్పయుత్తం ధమ్మం పటిచ్చ నకుసలో నచిత్తసమ్పయుత్తో ధమ్మో ఉప్పజ్జతి హేతుపచ్చయా. అబ్యాకతం చిత్తసమ్పయుత్తం ధమ్మం పటిచ్చ నఅకుసలో నచిత్తసమ్పయుత్తో ధమ్మో ఉప్పజ్జతి హేతుపచ్చయా. అబ్యాకతం చిత్తసమ్పయుత్తం ధమ్మం పటిచ్చ నకుసలో నచిత్తసమ్పయుత్తో చ నఅకుసలో నచిత్తసమ్పయుత్తో చ ధమ్మా ఉప్పజ్జన్తి హేతుపచ్చయా. తీణి. (సంఖిత్తం.) హేతుయా తేరస. చిత్తవిప్పయుత్తే తీణి.