౧౯-౧. ఆసవవిప్పయుత్తసాసవదుక-కుసలత్తికం

కుసలపదం

హేతుపచ్చయో

౪౮. ఆసవవిప్పయుత్తం సాసవం కుసలం ధమ్మం పటిచ్చ ఆసవవిప్పయుత్తో సాసవో కుసలో ధమ్మో ఉప్పజ్జతి హేతుపచ్చయా. ఆసవవిప్పయుత్తం అనాసవం కుసలం ధమ్మం పటిచ్చ ఆసవవిప్పయుత్తో అనాసవో కుసలో ధమ్మో ఉప్పజ్జతి హేతుపచ్చయా. (౨) (సంఖిత్తం.)

౪౯. హేతుయా ద్వే, ఆరమ్మణే ద్వే…పే… అవిగతే ద్వే (సంఖిత్తం).

(సహజాతవారోపి…పే… పఞ్హావారోపి విత్థారేతబ్బో.)

అబ్యాకతపదం

హేతుపచ్చయో

౫౦. ఆసవవిప్పయుత్తం సాసవం అబ్యాకతం ధమ్మం పటిచ్చ ఆసవవిప్పయుత్తో సాసవో అబ్యాకతో ధమ్మో ఉప్పజ్జతి హేతుపచ్చయా. (౧)

ఆసవవిప్పయుత్తం అనాసవం అబ్యాకతం ధమ్మం పటిచ్చ ఆసవవిప్పయుత్తో అనాసవో అబ్యాకతో ధమ్మో ఉప్పజ్జతి హేతుపచ్చయా. ఆసవవిప్పయుత్తం అనాసవం అబ్యాకతం ధమ్మం పటిచ్చ ఆసవవిప్పయుత్తో సాసవో అబ్యాకతో ధమ్మో ఉప్పజ్జతి హేతుపచ్చయా. ఆసవవిప్పయుత్తం అనాసవం అబ్యాకతం ధమ్మం పటిచ్చ ఆసవవిప్పయుత్తో సాసవో అబ్యాకతో చ ఆసవవిప్పయుత్తో అనాసవో అబ్యాకతో చ ధమ్మా ఉప్పజ్జన్తి హేతుపచ్చయా. (౩)

ఆసవవిప్పయుత్తం సాసవం అబ్యాకతఞ్చ ఆసవవిప్పయుత్తం అనాసవం అబ్యాకతఞ్చ ధమ్మం పటిచ్చ ఆసవవిప్పయుత్తో సాసవో అబ్యాకతో ధమ్మో ఉప్పజ్జతి హేతుపచ్చయా. (౧) (సంఖిత్తం.)

౫౧. హేతుయా పఞ్చ, ఆరమ్మణే ద్వే, అధిపతియా పఞ్చ…పే… ఆసేవనే ఏకం, కమ్మే పఞ్చ, విపాకే పఞ్చ…పే… అవిగతే పఞ్చ (సంఖిత్తం).

పచ్చనీయం

నహేతుపచ్చయో

౫౨. ఆసవవిప్పయుత్తం సాసవం అబ్యాకతం ధమ్మం పటిచ్చ ఆసవవిప్పయుత్తో సాసవో అబ్యాకతో ధమ్మో ఉప్పజ్జతి నహేతుపచ్చయా (సంఖిత్తం).

౫౩. నహేతుయా ఏకం, నఆరమ్మణే తీణి, నఅధిపతియా ద్వే …పే… నపురేజాతే చత్తారి, నపచ్ఛాజాతే నఆసేవనే పఞ్చ, నకమ్మే నవిపాకే…పే… నమగ్గే ఏకం…పే… నవిప్పయుత్తే ద్వే…పే… నోవిగతే తీణి (సంఖిత్తం).

(సహజాతవారోపి పచ్చయవారోపి నిస్సయవారోపి సంసట్ఠవారోపి సమ్పయుత్తవారోపి పటిచ్చవారసదిసా విత్థారేతబ్బా.)