౧-౬. పటిచ్చవారాది

పచ్చయచతుక్కం

హేతుపచ్చయో

౨౭. హేతుం అకుసలం ధమ్మం పటిచ్చ హేతు అకుసలో ధమ్మో ఉప్పజ్జతి హేతుపచ్చయా. హేతుం అకుసలం ధమ్మం పటిచ్చ నహేతు అకుసలో ధమ్మో ఉప్పజ్జతి హేతుపచ్చయా. హేతుం అకుసలం ధమ్మం పటిచ్చ హేతు అకుసలో చ నహేతు అకుసలో చ ధమ్మా ఉప్పజ్జన్తి హేతుపచ్చయా. (౩)

౨౮. నహేతుం అకుసలం ధమ్మం పటిచ్చ నహేతు అకుసలో ధమ్మో ఉప్పజ్జతి హేతుపచ్చయా. నహేతుం అకుసలం ధమ్మం పటిచ్చ హేతు అకుసలో ధమ్మో ఉప్పజ్జతి హేతుపచ్చయా. నహేతుం అకుసలం ధమ్మం పటిచ్చ హేతు అకుసలో చ నహేతు అకుసలో చ ధమ్మా ఉప్పజ్జన్తి హేతుపచ్చయా. (౩)

౨౯. హేతుం అకుసలఞ్చ నహేతుం అకుసలఞ్చ ధమ్మం పటిచ్చ హేతు అకుసలో ధమ్మో ఉప్పజ్జతి హేతుపచ్చయా. హేతుం అకుసలఞ్చ నహేతుం అకుసలఞ్చ ధమ్మం పటిచ్చ నహేతు అకుసలో ధమ్మో ఉప్పజ్జతి హేతుపచ్చయా. హేతుం అకుసలఞ్చ నహేతుం అకుసలఞ్చ ధమ్మం పటిచ్చ హేతు అకుసలో చ నహేతు అకుసలో చ ధమ్మా ఉప్పజ్జన్తి హేతుపచ్చయా. (౩)

౩౦. హేతుయా నవ, ఆరమ్మణే నవ, అధిపతియా నవ…పే… కమ్మే నవ, ఆహారే నవ…పే… అవిగతే నవ (సంఖిత్తం, అనులోమం).

నహేతుపచ్చయో

౩౧. నహేతుం అకుసలం ధమ్మం పటిచ్చ హేతు అకుసలో ధమ్మో ఉప్పజ్జతి నహేతుపచ్చయా. (౧)

నఅధిపతిపచ్చయాది

౩౨. హేతుం అకుసలం ధమ్మం పటిచ్చ హేతు అకుసలో ధమ్మో ఉప్పజ్జతి నఅధిపతిపచ్చయా… నవ…పే….

హేతుం అకుసలం ధమ్మం పటిచ్చ నహేతు అకుసలో ధమ్మో ఉప్పజ్జతి నకమ్మపచ్చయా. (౧)

నహేతుం అకుసలం ధమ్మం పటిచ్చ నహేతు అకుసలో ధమ్మో ఉప్పజ్జతి నకమ్మపచ్చయా. (౧)

హేతుం అకుసలఞ్చ నహేతుం అకుసలఞ్చ ధమ్మం పటిచ్చ నహేతు అకుసలో ధమ్మో ఉప్పజ్జతి నకమ్మపచ్చయా. (౧) (సంఖిత్తం.)

౩౩. నహేతుయా ఏకం, నఅధిపతియా నవ, నపురేజాతే నవ, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నవిప్పయుత్తే నవ (పచ్చనీయం).

హేతుపచ్చయా నఅధిపతియా నవ (సంఖిత్తం, అనులోమపచ్చనీయం).

నహేతుపచ్చయా ఆరమ్మణే ఏకం (సంఖిత్తం, పచ్చనీయానులోమం).

(సహజాతవారమ్పి పచ్చయవారమ్పి నిస్సయవారమ్పి సంసట్ఠవారమ్పి సమ్పయుత్తవారమ్పి పటిచ్చవారసదిసా విత్థారేతబ్బా.)