౭. పఞ్హావారో

పచ్చయచతుక్కం

హేతుపచ్చయో

౩౪. హేతు అకుసలో ధమ్మో హేతుస్స అకుసలస్స ధమ్మస్స హేతుపచ్చయేన పచ్చయో. హేతు అకుసలో ధమ్మో నహేతుస్స అకుసలస్స ధమ్మస్స హేతుపచ్చయేన పచ్చయో. హేతు అకుసలో ధమ్మో హేతుస్స అకుసలస్స చ నహేతుస్స అకుసలస్స చ ధమ్మస్స హేతుపచ్చయేన పచ్చయో. (౩)

ఆరమ్మణపచ్చయాది

౩౫. హేతు అకుసలో ధమ్మో హేతుస్స అకుసలస్స ధమ్మస్స ఆరమ్మణపచ్చయేన పచ్చయో… తీణి.

నహేతు అకుసలో ధమ్మో నహేతుస్స అకుసలస్స ధమ్మస్స ఆరమ్మణపచ్చయేన పచ్చయో… తీణి.

హేతు అకుసలో చ నహేతు అకుసలో చ ధమ్మా హేతుస్స అకుసలస్స ధమ్మస్స ఆరమ్మణపచ్చయేన పచ్చయో… తీణి.

౩౬. హేతు అకుసలో ధమ్మో హేతుస్స అకుసలస్స ధమ్మస్స అధిపతిపచ్చయేన పచ్చయో – ఆరమ్మణాధిపతి… తీణి.

నహేతు అకుసలో ధమ్మో నహేతుస్స అకుసలస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి… తీణి.

హేతు అకుసలో చ నహేతు అకుసలో చ ధమ్మా హేతుస్స అకుసలస్స ధమ్మస్స అధిపతిపచ్చయేన పచ్చయో – ఆరమ్మణాధిపతి… తీణి…పే….

౩౭. నహేతు అకుసలో ధమ్మో నహేతుస్స అకుసలస్స ధమ్మస్స కమ్మపచ్చయేన పచ్చయో. నహేతు అకుసలో ధమ్మో హేతుస్స అకుసలస్స ధమ్మస్స కమ్మపచ్చయేన పచ్చయో. నహేతు అకుసలో ధమ్మో హేతుస్స అకుసలస్స చ నహేతుస్స అకుసలస్స చ ధమ్మస్స కమ్మపచ్చయేన పచ్చయో. (౩)

ఆహారపచ్చయాది

౩౮. నహేతు అకుసలో ధమ్మో నహేతుస్స అకుసలస్స ధమ్మస్స ఆహారపచ్చయేన పచ్చయో… తీణి.

౩౯. నహేతు అకుసలో ధమ్మో నహేతుస్స అకుసలస్స ధమ్మస్స ఇన్ద్రియపచ్చయేన పచ్చయో… తీణి.

౪౦. నహేతు అకుసలో ధమ్మో నహేతుస్స అకుసలస్స ధమ్మస్స ఝానపచ్చయేన పచ్చయో… తీణి (సంఖిత్తం).

౪౧. హేతుయా తీణి, ఆరమ్మణే నవ, అధిపతియా నవ, అనన్తరే నవ, సమనన్తరే నవ, సహజాతే నవ, అఞ్ఞమఞ్ఞే నవ, నిస్సయే నవ, ఉపనిస్సయే నవ, ఆసేవనే నవ, కమ్మే తీణి, ఆహారే తీణి, ఇన్ద్రియే తీణి, ఝానే తీణి, మగ్గే తీణి, సమ్పయుత్తే నవ, అత్థియా నవ, నత్థియా నవ, విగతే నవ, అవిగతే నవ.

పచ్చనీయుద్ధారో

౪౨. హేతు అకుసలో ధమ్మో హేతుస్స అకుసలస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో (సంఖిత్తం).

౪౩. నహేతుయా నవ, నఆరమ్మణే నవ, నఅధిపతియా నవ, నఅనన్తరే నవ, నసమనన్తరే నవ, నసహజాతే నవ, నఅఞ్ఞమఞ్ఞే నవ…పే… నోఅవిగతే నవ (పచ్చనీయం).

హేతుపచ్చయా నఆరమ్మణే తీణి (సంఖిత్తం, అనులోమపచ్చనీయం).

నహేతుపచ్చయా ఆరమ్మణే నవ (సంఖిత్తం, పచ్చనీయానులోమం).

(యథా కుసలత్తికే పఞ్హావారస్స అనులోమమ్పి పచ్చనీయమ్పి అనులోమపచ్చనీయమ్పి పచ్చనీయానులోమమ్పి గణితం, ఏవం గణేతబ్బం.)