౧-౬. పటిచ్చవారాది

పచ్చయచతుక్కం

హేతుపచ్చయో

౧. హేతుం కుసలం ధమ్మం పటిచ్చ హేతు కుసలో ధమ్మో ఉప్పజ్జతి హేతుపచ్చయా. హేతుం కుసలం ధమ్మం పటిచ్చ నహేతు కుసలో ధమ్మో ఉప్పజ్జతి హేతుపచ్చయా. హేతుం కుసలం ధమ్మం పటిచ్చ హేతు కుసలో చ నహేతు కుసలో చ ధమ్మా ఉప్పజ్జన్తి హేతుపచ్చయా. (౩)

౨. నహేతుం కుసలం ధమ్మం పటిచ్చ నహేతు కుసలో ధమ్మో ఉప్పజ్జతి హేతుపచ్చయా. నహేతుం కుసలం ధమ్మం పటిచ్చ హేతు కుసలో ధమ్మో ఉప్పజ్జతి హేతుపచ్చయా. నహేతుం కుసలం ధమ్మం పటిచ్చ హేతు కుసలో చ నహేతు కుసలో చ ధమ్మా ఉప్పజ్జన్తి హేతుపచ్చయా. (౩)

౩. హేతుం కుసలఞ్చ నహేతుం కుసలఞ్చ ధమ్మం పటిచ్చ హేతు కుసలో ధమ్మో ఉప్పజ్జతి హేతుపచ్చయా. హేతుం కుసలఞ్చ నహేతుం కుసలఞ్చ ధమ్మం పటిచ్చ నహేతు కుసలో ధమ్మో ఉప్పజ్జతి హేతుపచ్చయా. హేతుం కుసలఞ్చ నహేతుం కుసలఞ్చ ధమ్మం పటిచ్చ హేతు కుసలో చ నహేతు కుసలో చ ధమ్మా ఉప్పజ్జన్తి హేతుపచ్చయా. (౩)

ఆరమ్మణపచ్చయో

౪. హేతుం కుసలం ధమ్మం పటిచ్చ హేతు కుసలో ధమ్మో ఉప్పజ్జతి ఆరమ్మణపచ్చయా (సంఖిత్తం).

౫. హేతుయా నవ, ఆరమ్మణే నవ, అధిపతియా నవ, అనన్తరే నవ, సమనన్తరే నవ, సహజాతే నవ, అఞ్ఞమఞ్ఞే నవ, నిస్సయే నవ, ఉపనిస్సయే నవ, పురేజాతే నవ, ఆసేవనే నవ, కమ్మే నవ, ఆహారే నవ, ఇన్ద్రియే నవ, ఝానే నవ, మగ్గే నవ, సమ్పయుత్తే నవ, విప్పయుత్తే నవ, అత్థియా నవ, నత్థియా నవ, విగతే నవ, అవిగతే నవ (అనులోమం).

నఅధిపతిపచ్చయో

౬. హేతుం కుసలం ధమ్మం పటిచ్చ హేతు కుసలో ధమ్మో ఉప్పజ్జతి నఅధిపతిపచ్చయా. హేతుం కుసలం ధమ్మం పటిచ్చ నహేతు కుసలో ధమ్మో ఉప్పజ్జతి నఅధిపతిపచ్చయా. హేతుం కుసలం ధమ్మం పటిచ్చ హేతు కుసలో చ నహేతు కుసలో చ ధమ్మా ఉప్పజ్జన్తి నఅధిపతిపచ్చయా. (౩)

౭. నహేతుం కుసలం ధమ్మం పటిచ్చ నహేతు కుసలో ధమ్మో ఉప్పజ్జతి నఅధిపతిపచ్చయా… తీణి.

హేతుం కుసలఞ్చ నహేతుం కుసలఞ్చ ధమ్మం పటిచ్చ హేతు కుసలో ధమ్మో ఉప్పజ్జతి నఅధిపతిపచ్చయా… తీణి.

నపురేజాతపచ్చయాది

౮. హేతుం కుసలం ధమ్మం పటిచ్చ హేతు కుసలో ధమ్మో ఉప్పజ్జతి నపురేజాతపచ్చయా… నవ… నపచ్ఛాజాతపచ్చయా… నవ… నఆసేవనపచ్చయా … నవ.

నకమ్మపచ్చయో

౯. హేతుం కుసలం ధమ్మం పటిచ్చ నహేతు కుసలో ధమ్మో ఉప్పజ్జతి నకమ్మపచ్చయా. (౧)

నహేతుం కుసలం ధమ్మం పటిచ్చ నహేతు కుసలో ధమ్మో ఉప్పజ్జతి నకమ్మపచ్చయా. (౧)

హేతుం కుసలఞ్చ నహేతుం కుసలఞ్చ ధమ్మం పటిచ్చ నహేతు కుసలో ధమ్మో ఉప్పజ్జతి నకమ్మపచ్చయా. (౧)

నవిపాకపచ్చయాది

౧౦. హేతుం కుసలం ధమ్మం పటిచ్చ హేతు కుసలో ధమ్మో ఉప్పజ్జతి నవిపాకపచ్చయా… నవ…పే… నవిప్పయుత్తపచ్చయా… నవ.

౧౧. నఅధిపతియా నవ, నపురేజాతే నవ, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నవిప్పయుత్తే నవ (పచ్చనీయం).

హేతుపచ్చయా నఅధిపతియా నవ (సంఖిత్తం, అనులోమ పచ్చనీయం).

నఅధిపతిపచ్చయా హేతుయా నవ, ఆరమ్మణే నవ (సంఖిత్తం, పచ్చనీయానులోమం).

(సహజాతవారమ్పి పచ్చయవారమ్పి నిస్సయవారమ్పి సంసట్ఠవారమ్పి సమ్పయుత్తవారమ్పి పటిచ్చవారసదిసా విత్థారేతబ్బా.)