౧-౬. పటిచ్చవారాది

పచ్చయచతుక్కం

హేతుపచ్చయో

౪౮౫. హేతుం అతీతారమ్మణం ధమ్మం పటిచ్చ హేతు అతీతారమ్మణో ధమ్మో ఉప్పజ్జతి హేతుపచ్చయా… తీణి.

నహేతుం అతీతారమ్మణం ధమ్మం పటిచ్చ నహేతు అతీతారమ్మణో ధమ్మో ఉప్పజ్జతి హేతుపచ్చయా… తీణి.

హేతుం అతీతారమ్మణఞ్చ నహేతుం అతీతారమ్మణఞ్చ ధమ్మం పటిచ్చ హేతు అతీతారమ్మణో ధమ్మో ఉప్పజ్జతి హేతుపచ్చయా… తీణి (సంఖిత్తం).

౪౮౬. హేతుయా నవ, ఆరమ్మణే నవ, అధిపతియా నవ, అనన్తరే నవ, సమనన్తరే నవ…పే… కమ్మే నవ…పే… అవిగతే నవ (సంఖిత్తం).

నహేతు-నఅధిపతిపచ్చయా

౪౮౭. నహేతుం అతీతారమ్మణం ధమ్మం పటిచ్చ నహేతు అతీతారమ్మణో ధమ్మో ఉప్పజ్జతి నహేతుపచ్చయా. నహేతుం అతీతారమ్మణం ధమ్మం పటిచ్చ హేతు అతీతారమ్మణో ధమ్మో ఉప్పజ్జతి నహేతుపచ్చయా. (౨)

హేతుం అతీతారమ్మణం ధమ్మం పటిచ్చ హేతు అతీతారమ్మణో ధమ్మో ఉప్పజ్జతి నఅధిపతిపచ్చయా (సంఖిత్తం).

౪౮౮. నహేతుయా ద్వే, నఅధిపతియా నవ, నపురేజాతే నవ, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నమగ్గే ఏకం, నవిప్పయుత్తే నవ (సంఖిత్తం).

హేతుపచ్చయా నఅధిపతియా నవ (సంఖిత్తం).

నహేతుపచ్చయా ఆరమ్మణే ద్వే (సంఖిత్తం).

(సహజాతవారోపి పచ్చయవారోపి నిస్సయవారోపి సంసట్ఠవారోపి సమ్పయుత్తవారోపి పటిచ్చవారసదిసా విత్థారేతబ్బా.)