౭. పఞ్హావారో

పచ్చయచతుక్కం

హేతుపచ్చయాది

౪౮౯. హేతు అతీతారమ్మణో ధమ్మో హేతుస్స అతీతారమ్మణస్స ధమ్మస్స హేతుపచ్చయేన పచ్చయో… తీణి.

హేతు అతీతారమ్మణో ధమ్మో హేతుస్స అతీతారమ్మణస్స ధమ్మస్స ఆరమ్మణపచ్చయేన పచ్చయో… నవ.

హేతు అతీతారమ్మణో ధమ్మో హేతుస్స అతీతారమ్మణస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి… తీణి.

నహేతు అతీతారమ్మణో ధమ్మో నహేతుస్స అతీతారమ్మణస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి… తీణి.

హేతు అతీతారమ్మణో చ నహేతు అతీతారమ్మణో చ ధమ్మా హేతుస్స అతీతారమ్మణస్స ధమ్మస్స అధిపతిపచ్చయేన పచ్చయో – ఆరమ్మణాధిపతి… తీణి (సంఖిత్తం).

౪౯౦. హేతుయా తీణి, ఆరమ్మణే నవ, అధిపతియా నవ, అనన్తరే నవ, సమనన్తరే నవ, సహజాతే నవ, అఞ్ఞమఞ్ఞే నవ, నిస్సయే నవ, ఉపనిస్సయే నవ, ఆసేవనే నవ, కమ్మే తీణి, విపాకే నవ, ఆహారే తీణి, ఇన్ద్రియే నవ, ఝానే తీణి, మగ్గే నవ, సమ్పయుత్తే నవ, అత్థియా నవ…పే… అవిగతే నవ (సంఖిత్తం).

పచ్చనీయుద్ధారో

౪౯౧. హేతు అతీతారమ్మణో ధమ్మో హేతుస్స అతీతారమ్మణస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో (సంఖిత్తం).

౪౯౨. నహేతుయా నవ, నఆరమ్మణే నవ (సంఖిత్తం).

హేతుపచ్చయా నఆరమ్మణే తీణి (సంఖిత్తం).

నహేతుపచ్చయా ఆరమ్మణే నవ (సంఖిత్తం).

(యథా కుసలత్తికే పఞ్హావారస్స అనులోమమ్పి పచ్చనీయమ్పి అనులోమపచ్చనీయమ్పి పచ్చనీయానులోమమ్పి గణితం, ఏవం గణేతబ్బం.)