౧-౬. పటిచ్చవారాది

పచ్చయచతుక్కం

హేతుపచ్చయో

౩౮౧. హేతుం పరిత్తారమ్మణం ధమ్మం పటిచ్చ హేతు పరిత్తారమ్మణో ధమ్మో ఉప్పజ్జతి హేతుపచ్చయా… తీణి.

నహేతుం పరిత్తారమ్మణం ధమ్మం పటిచ్చ నహేతు పరిత్తారమ్మణో ధమ్మో ఉప్పజ్జతి హేతుపచ్చయా… తీణి.

హేతుం పరిత్తారమ్మణఞ్చ నహేతుం పరిత్తారమ్మణఞ్చ ధమ్మం పటిచ్చ హేతు పరిత్తారమ్మణో ధమ్మో ఉప్పజ్జతి హేతుపచ్చయా… తీణి (సంఖిత్తం).

౩౮౨. హేతుయా నవ, ఆరమ్మణే నవ, అధిపతియా నవ, అనన్తరే నవ, సమనన్తరే నవ, సహజాతే నవ, అఞ్ఞమఞ్ఞే నవ, నిస్సయే నవ, ఉపనిస్సయే నవ, పురేజాతే నవ, ఆసేవనే నవ, కమ్మే నవ, విపాకే నవ…పే… అవిగతే నవ (సంఖిత్తం).

నహేతు-నఅధిపతిపచ్చయా

౩౮౩. నహేతుం పరిత్తారమ్మణం ధమ్మం పటిచ్చ నహేతు పరిత్తారమ్మణో ధమ్మో ఉప్పజ్జతి నహేతుపచ్చయా. నహేతుం పరిత్తారమ్మణం ధమ్మం పటిచ్చ హేతు పరిత్తారమ్మణో ధమ్మో ఉప్పజ్జతి నహేతుపచ్చయా. (౨)

హేతుం పరిత్తారమ్మణం ధమ్మం పటిచ్చ హేతు పరిత్తారమ్మణో ధమ్మో ఉప్పజ్జతి నఅధిపతిపచ్చయా (సంఖిత్తం).

౩౮౪. నహేతుయా ద్వే, నఅధిపతియా నవ, నపురేజాతే నవ, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నఝానే ఏకం, నమగ్గే ఏకం, నవిప్పయుత్తే నవ (సంఖిత్తం).

హేతుపచ్చయా నఅధిపతియా నవ (సంఖిత్తం).

నహేతుపచ్చయా ఆరమ్మణే ద్వే (సంఖిత్తం).

(సహజాతవారోపి పచ్చయవారోపి నిస్సయవారోపి సంసట్ఠవారోపి సమ్పయుత్తవారోపి పటిచ్చవారసదిసా విత్థారేతబ్బా.)