౭. పఞ్హావారో

పచ్చయచతుక్కం

హేతుపచ్చయాది

౩౮౫. హేతు పరిత్తారమ్మణో ధమ్మో హేతుస్స పరిత్తారమ్మణస్స ధమ్మస్స హేతుపచ్చయేన పచ్చయో… తీణి.

హేతు పరిత్తారమ్మణో ధమ్మో హేతుస్స పరిత్తారమ్మణస్స ధమ్మస్స ఆరమ్మణపచ్చయేన పచ్చయో… నవ.

హేతు పరిత్తారమ్మణో ధమ్మో హేతుస్స పరిత్తారమ్మణస్స ధమ్మస్స అధిపతిపచ్చయేన పచ్చయో (సంఖిత్తం).

౩౮౬. హేతుయా తీణి, ఆరమ్మణే నవ, అధిపతియా నవ, అనన్తరే నవ, సమనన్తరే నవ, సహజాతే నవ, అఞ్ఞమఞ్ఞే నవ, నిస్సయే నవ, ఉపనిస్సయే నవ, ఆసేవనే నవ, కమ్మే తీణి, విపాకే నవ, ఆహారే తీణి, ఇన్ద్రియే నవ, ఝానే తీణి, మగ్గే నవ, సమ్పయుత్తే నవ, అత్థియా నవ, నత్థియా నవ, విగతే నవ, అవిగతే నవ (సంఖిత్తం).

పచ్చనీయుద్ధారో

౩౮౭. హేతు పరిత్తారమ్మణో ధమ్మో హేతుస్స పరిత్తారమ్మణస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో (సంఖిత్తం).

౩౮౮. నహేతుయా నవ, నఆరమ్మణే నవ (సంఖిత్తం).

హేతుపచ్చయా నఆరమ్మణే తీణి (సంఖిత్తం).

నహేతుపచ్చయా ఆరమ్మణే నవ (సంఖిత్తం).

(యథా కుసలత్తికే పఞ్హావారస్స అనులోమమ్పి పచ్చనీయమ్పి అనులోమపచ్చనీయమ్పి పచ్చనీయానులోమమ్పి గణితం, ఏవం గణేతబ్బం.)