౧-౭. పటిచ్చవారాది
పచ్చయచతుక్కం
హేతుపచ్చయో
౨౫౩. కుసలం హేతుసమ్పయుత్తం ధమ్మం పటిచ్చ కుసలో హేతుసమ్పయుత్తో ధమ్మో ఉప్పజ్జతి హేతుపచ్చయా. (౧)
అకుసలం హేతుసమ్పయుత్తం ధమ్మం పటిచ్చ అకుసలో హేతుసమ్పయుత్తో ధమ్మో ఉప్పజ్జతి హేతుపచ్చయా. (౧)
అబ్యాకతం హేతుసమ్పయుత్తం ధమ్మం పటిచ్చ అబ్యాకతో హేతుసమ్పయుత్తో ధమ్మో ఉప్పజ్జతి హేతుపచ్చయా. (౧) (సంఖిత్తం.)
౨౫౪. హేతుయా తీణి, ఆరమ్మణే తీణి…పే… అవిగతే తీణి (సంఖిత్తం).
నఅధిపతియా తీణి…పే… నవిప్పయుత్తే తీణి (సంఖిత్తం).
(సహజాతవారమ్పి…పే… సమ్పయుత్తవారమ్పి పటిచ్చవారసదిసం.)
హేతు-ఆరమ్మణపచ్చయా
౨౫౫. కుసలో హేతుసమ్పయుత్తో ధమ్మో కుసలస్స హేతుసమ్పయుత్తస్స ధమ్మస్స హేతుపచ్చయేన పచ్చయో. (౧)
అకుసలో హేతుసమ్పయుత్తో ధమ్మో అకుసలస్స హేతుసమ్పయుత్తస్స ధమ్మస్స హేతుపచ్చయేన పచ్చయో. (౧)
అబ్యాకతో హేతుసమ్పయుత్తో ధమ్మో అబ్యాకతస్స హేతుసమ్పయుత్తస్స ధమ్మస్స హేతుపచ్చయేన పచ్చయో. (౧)
కుసలో హేతుసమ్పయుత్తో ధమ్మో కుసలస్స హేతుసమ్పయుత్తస్స ధమ్మస్స ఆరమ్మణపచ్చయేన పచ్చయో… తీణి.
అకుసలో హేతుసమ్పయుత్తో ధమ్మో అకుసలస్స హేతుసమ్పయుత్తస్స ధమ్మస్స ఆరమ్మణపచ్చయేన పచ్చయో… తీణి.
అబ్యాకతో హేతుసమ్పయుత్తో ధమ్మో అబ్యాకతస్స హేతుసమ్పయుత్తస్స ధమ్మస్స ఆరమ్మణపచ్చయేన పచ్చయో… తీణి (సంఖిత్తం).
౨౫౬. హేతుయా తీణి, ఆరమ్మణే నవ, అధిపతియా సత్త, అనన్తరే పఞ్చ, సమనన్తరే పఞ్చ, సహజాతే తీణి, ఉపనిస్సయే నవ…పే… అవిగతే తీణి (సంఖిత్తం).
నహేతుయా నవ, నఆరమ్మణే నవ (సంఖిత్తం).
హేతుపచ్చయా నఆరమ్మణే తీణి (సంఖిత్తం).
నహేతుపచ్చయా ఆరమ్మణే నవ (సంఖిత్తం).
(యథా కుసలత్తికే పఞ్హావారం, ఏవం విత్థారేతబ్బం.)