౧-౭. పటిచ్చవారాది

పచ్చయచతుక్కం

హేతు-ఆరమ్మణపచ్చయా

౨౫౭. అకుసలం హేతువిప్పయుత్తం ధమ్మం పటిచ్చ అబ్యాకతో హేతువిప్పయుత్తో ధమ్మో ఉప్పజ్జతి హేతుపచ్చయా. (౧)

అబ్యాకతం హేతువిప్పయుత్తం ధమ్మం పటిచ్చ అబ్యాకతో హేతువిప్పయుత్తో ధమ్మో ఉప్పజ్జతి హేతుపచ్చయా. (౧)

అకుసలం హేతువిప్పయుత్తఞ్చ అబ్యాకతం హేతువిప్పయుత్తఞ్చ ధమ్మం పటిచ్చ అబ్యాకతో హేతువిప్పయుత్తో ధమ్మో ఉప్పజ్జతి హేతుపచ్చయా. (౧)

అబ్యాకతం హేతువిప్పయుత్తం ధమ్మం పటిచ్చ అబ్యాకతో హేతువిప్పయుత్తో ధమ్మో ఉప్పజ్జతి ఆరమ్మణపచ్చయా. (౧) (సంఖిత్తం.)

౨౫౮. హేతుయా తీణి, ఆరమ్మణే ఏకం, అధిపతియా ఏకం…పే… అవిగతే తీణి (సంఖిత్తం).

నహేతు-నఆరమ్మణపచ్చయా

౨౫౯. అబ్యాకతం హేతువిప్పయుత్తం ధమ్మం పటిచ్చ అబ్యాకతో హేతువిప్పయుత్తో ధమ్మో ఉప్పజ్జతి నహేతుపచ్చయా. (౧)

అకుసలం హేతువిప్పయుత్తం ధమ్మం పటిచ్చ అబ్యాకతో హేతువిప్పయుత్తో ధమ్మో ఉప్పజ్జతి నఆరమ్మణపచ్చయా. (౧)

అబ్యాకతం హేతువిప్పయుత్తం ధమ్మం పటిచ్చ అబ్యాకతో హేతువిప్పయుత్తో ధమ్మో ఉప్పజ్జతి నఆరమ్మణపచ్చయా. (౧)

అకుసలం హేతువిప్పయుత్తఞ్చ అబ్యాకతం హేతువిప్పయుత్తఞ్చ ధమ్మం పటిచ్చ అబ్యాకతో హేతువిప్పయుత్తో ధమ్మో ఉప్పజ్జతి నఆరమ్మణపచ్చయా (సంఖిత్తం).

౨౬౦. నహేతుయా ఏకం, నఆరమ్మణే తీణి, నఅధిపతియా తీణి…పే… నోవిగతే తీణి. (సంఖిత్తం).

(సహజాతవారమ్పి…పే… సమ్పయుత్తవారమ్పి పటిచ్చవారసదిసం.)

హేతు-ఆరమ్మణ-అనన్తరపచ్చయా

౨౬౧. అకుసలో హేతువిప్పయుత్తో ధమ్మో అబ్యాకతస్స హేతువిప్పయుత్తస్స ధమ్మస్స హేతుపచ్చయేన పచ్చయో. (౧)

అకుసలో హేతువిప్పయుత్తో ధమ్మో అకుసలస్స హేతువిప్పయుత్తస్స ధమ్మస్స ఆరమ్మణపచ్చయేన పచ్చయో. అకుసలో హేతువిప్పయుత్తో ధమ్మో అబ్యాకతస్స హేతువిప్పయుత్తస్స ధమ్మస్స ఆరమ్మణపచ్చయేన పచ్చయో. (౨)

అబ్యాకతో హేతువిప్పయుత్తో ధమ్మో అబ్యాకతస్స హేతువిప్పయుత్తస్స ధమ్మస్స ఆరమ్మణపచ్చయేన పచ్చయో. అబ్యాకతో హేతువిప్పయుత్తో ధమ్మో అకుసలస్స హేతువిప్పయుత్తస్స ధమ్మస్స ఆరమ్మణపచ్చయేన పచ్చయో. (౨)

అకుసలో హేతువిప్పయుత్తో ధమ్మో అకుసలస్స హేతువిప్పయుత్తస్స ధమ్మస్స అనన్తరపచ్చయేన పచ్చయో. అకుసలో హేతువిప్పయుత్తో ధమ్మో అబ్యాకతస్స హేతువిప్పయుత్తస్స ధమ్మస్స అనన్తరపచ్చయేన పచ్చయో. (౨)

అబ్యాకతో హేతువిప్పయుత్తో ధమ్మో అబ్యాకతస్స హేతువిప్పయుత్తస్స ధమ్మస్స అనన్తరపచ్చయేన పచ్చయో. అబ్యాకతో హేతువిప్పయుత్తో ధమ్మో అకుసలస్స హేతువిప్పయుత్తస్స ధమ్మస్స అనన్తరపచ్చయేన పచ్చయో. (౨) (సంఖిత్తం.)

౨౬౨. హేతుయా ఏకం, ఆరమ్మణే చత్తారి, అనన్తరే చత్తారి, సమనన్తరే చత్తారి, సహజాతే తీణి, అఞ్ఞమఞ్ఞే ఏకం, నిస్సయే చత్తారి, ఉపనిస్సయే చత్తారి…పే… అవిగతే చత్తారి (సంఖిత్తం).

నహేతుయా పఞ్చ, నఆరమ్మణే పఞ్చ (సంఖిత్తం).

హేతుపచ్చయా నఆరమ్మణే ఏకం (సంఖిత్తం).

నహేతుపచ్చయా ఆరమ్మణే చత్తారి (సంఖిత్తం).

(యథా కుసలత్తికే పఞ్హావారం, ఏవం విత్థారేతబ్బం.)