౧-౭. పటిచ్చవారాది
పచ్చయచతుక్కం
హేతుపచ్చయో
౨౨౨. అజ్ఝత్తం హేతుం ధమ్మం పటిచ్చ అజ్ఝత్తో హేతు ధమ్మో ఉప్పజ్జతి హేతుపచ్చయా. (౧)
బహిద్ధా హేతుం ధమ్మం పటిచ్చ బహిద్ధా హేతు ధమ్మో ఉప్పజ్జతి హేతుపచ్చయా. (౧) (సంఖిత్తం.)
౨౨౩. హేతుయా ద్వే, ఆరమ్మణే ద్వే…పే… అవిగతే ద్వే (సంఖిత్తం).
నఅధిపతియా ద్వే, నపురేజాతే ద్వే, నపచ్ఛాజాతే ద్వే, నఆసేవనే ద్వే, నవిపాకే ద్వే, నవిప్పయుత్తే ద్వే (సంఖిత్తం).
(సహజాతవారమ్పి…పే… సమ్పయుత్తవారమ్పి పటిచ్చవారసదిసం విత్థారేతబ్బం.)
హేతుఆరమ్మణపచ్చయాది
౨౨౪. అజ్ఝత్తో హేతు ధమ్మో అజ్ఝత్తస్స హేతుస్స ధమ్మస్స హేతుపచ్చయేన పచ్చయో. (౧)
బహిద్ధా హేతు ధమ్మో బహిద్ధా హేతుస్స ధమ్మస్స హేతుపచ్చయేన పచ్చయో.
అజ్ఝత్తో హేతు ధమ్మో అజ్ఝత్తస్స హేతుస్స ధమ్మస్స ఆరమ్మణపచ్చయేన పచ్చయో. అజ్ఝత్తో హేతు ధమ్మో బహిద్ధా హేతుస్స ధమ్మస్స ఆరమ్మణపచ్చయేన పచ్చయో. (౨)
బహిద్ధా హేతు ధమ్మో బహిద్ధా హేతుస్స ధమ్మస్స ఆరమ్మణపచ్చయేన పచ్చయో. బహిద్ధా హేతు ధమ్మో అజ్ఝత్తస్స హేతుస్స ధమ్మస్స ఆరమ్మణపచ్చయేన పచ్చయో. (౨)
౨౨౫. అజ్ఝత్తో హేతు ధమ్మో అజ్ఝత్తస్స హేతుస్స ధమ్మస్స అధిపతిపచ్చయేన పచ్చయో. (౧)
బహిద్ధా హేతు ధమ్మో బహిద్ధా హేతుస్స ధమ్మస్స అధిపతిపచ్చయేన పచ్చయో. (౧)
అజ్ఝత్తో హేతు ధమ్మో అజ్ఝత్తస్స హేతుస్స ధమ్మస్స అనన్తరపచ్చయేన పచ్చయో. (౧)
బహిద్ధా హేతు ధమ్మో బహిద్ధా హేతుస్స ధమ్మస్స అనన్తరపచ్చయేన పచ్చయో. (౧) (సంఖిత్తం.)
౨౨౬. హేతుయా ద్వే, ఆరమ్మణే చత్తారి, అధిపతియా ద్వే, అనన్తరే ద్వే, సమనన్తరే ద్వే, సహజాతే ద్వే, అఞ్ఞమఞ్ఞే ద్వే, నిస్సయే ద్వే, ఉపనిస్సయే చత్తారి…పే… అవిగతే ద్వే (సంఖిత్తం).
నహేతుయా చత్తారి, నఆరమ్మణే చత్తారి (సంఖిత్తం).
హేతుపచ్చయా నఆరమ్మణే ద్వే (సంఖిత్తం).
నహేతుపచ్చయా ఆరమ్మణే చత్తారి (సంఖిత్తం).
(యథా కుసలత్తికే పఞ్హావారం, ఏవం విత్థారేతబ్బం.)