౧-౭. పటిచ్చవారాది

పచ్చయచతుక్కం

హేతుపచ్చయో

౨౨౭. అజ్ఝత్తం నహేతుం ధమ్మం పటిచ్చ అజ్ఝత్తో నహేతు ధమ్మో ఉప్పజ్జతి హేతుపచ్చయా. (౧)

బహిద్ధా నహేతుం ధమ్మం పటిచ్చ బహిద్ధా నహేతు ధమ్మో ఉప్పజ్జతి హేతుపచ్చయా. (౧) (సంఖిత్తం.)

౨౨౮. హేతుయా ద్వే, ఆరమ్మణే ద్వే…పే… అవిగతే ద్వే (సంఖిత్తం).

నహేతుయా ద్వే, నఅధిపతియా ద్వే…పే… నవిప్పయుత్తే ద్వే (సంఖిత్తం).

(సహజాతవారమ్పి…పే… సమ్పయుత్తవారమ్పి పటిచ్చవారసదిసం విత్థారేతబ్బం.)

ఆరమ్మణపచ్చయో

౨౨౯. అజ్ఝత్తో నహేతు ధమ్మో అజ్ఝత్తస్స నహేతుస్స ధమ్మస్స ఆరమ్మణపచ్చయేన పచ్చయో. అజ్ఝత్తో నహేతు ధమ్మో బహిద్ధా నహేతుస్స ధమ్మస్స ఆరమ్మణపచ్చయేన పచ్చయో. (౨)

బహిద్ధా నహేతు ధమ్మో బహిద్ధా నహేతుస్స ధమ్మస్స ఆరమ్మణపచ్చయేన పచ్చయో. బహిద్ధా నహేతు ధమ్మో అజ్ఝత్తస్స నహేతుస్స ధమ్మస్స ఆరమ్మణపచ్చయేన పచ్చయో. (౨) (సంఖిత్తం.)

౨౩౦. ఆరమ్మణే చత్తారి, అధిపతియా చత్తారి, అనన్తరే ద్వే …పే… ఉపనిస్సయే చత్తారి…పే… అవిగతే ఛ (సంఖిత్తం).

నహేతుయా ఛ, నఆరమ్మణే ఛ (సంఖిత్తం).

ఆరమ్మణపచ్చయా నహేతుయా చత్తారి (సంఖిత్తం).

నహేతుపచ్చయా ఆరమ్మణే చత్తారి (సంఖిత్తం).

(యథా కుసలత్తికే పఞ్హావారం, ఏవం విత్థారేతబ్బం.)