౧-౭. పటిచ్చవారాది
పచ్చయచతుక్కం
హేతుపచ్చయో
౨౧౪. అతీతారమ్మణం హేతుం ధమ్మం పటిచ్చ అతీతారమ్మణో హేతు ధమ్మో ఉప్పజ్జతి హేతుపచ్చయా. (౧)
అనాగతారమ్మణం హేతుం ధమ్మం పటిచ్చ అనాగతారమ్మణో హేతు ధమ్మో ఉప్పజ్జతి హేతుపచ్చయా. (౧)
పచ్చుప్పన్నారమ్మణం హేతుం ధమ్మం పటిచ్చ పచ్చుప్పన్నారమ్మణో హేతు ధమ్మో ఉప్పజ్జతి హేతుపచ్చయా. (౧) (సంఖిత్తం.)
౨౧౫. హేతుయా తీణి, ఆరమ్మణే తీణి…పే… అవిగతే తీణి (సంఖిత్తం).
నఅధిపతియా తీణి, నపురేజాతే తీణి, నపచ్ఛాజాతే తీణి, నఆసేవనే తీణి, నవిపాకే తీణి, నవిప్పయుత్తే ద్వే (సంఖిత్తం).
(సహజాతవారమ్పి…పే… సమ్పయుత్తవారమ్పి పటిచ్చవారసదిసం విత్థారేతబ్బం.)
హేతు-ఆరమ్మణపచ్చయా
౨౧౬. అతీతారమ్మణో హేతు ధమ్మో అతీతారమ్మణస్స హేతుస్స ధమ్మస్స హేతుపచ్చయేన పచ్చయో. (౧)
అనాగతారమ్మణో హేతు ధమ్మో అనాగతారమ్మణస్స హేతుస్స ధమ్మస్స హేతుపచ్చయేన పచ్చయో. (౧)
పచ్చుప్పన్నారమ్మణో హేతు ధమ్మో పచ్చుప్పన్నారమ్మణస్స హేతుస్స ధమ్మస్స హేతుపచ్చయేన పచ్చయో. (౧)
అతీతారమ్మణో హేతు ధమ్మో అతీతారమ్మణస్స హేతుస్స ధమ్మస్స ఆరమ్మణపచ్చయేన పచ్చయో. అతీతారమ్మణో హేతు ధమ్మో అనాగతారమ్మణస్స హేతుస్స ధమ్మస్స ఆరమ్మణపచ్చయేన పచ్చయో. అతీతారమ్మణో హేతు ధమ్మో పచ్చుప్పన్నారమ్మణస్స హేతుస్స ధమ్మస్స ఆరమ్మణపచ్చయేన పచ్చయో. (౩)
అనాగతారమ్మణో హేతు ధమ్మో అనాగతారమ్మణస్స హేతుస్స ధమ్మస్స ఆరమ్మణపచ్చయేన పచ్చయో… తీణి.
పచ్చుప్పన్నారమ్మణో హేతు ధమ్మో పచ్చుప్పన్నారమ్మణస్స హేతుస్స ధమ్మస్స ఆరమ్మణపచ్చయేన పచ్చయో… తీణి (సంఖిత్తం).
౨౧౭. హేతుయా తీణి, ఆరమ్మణే నవ, అధిపతియా సత్త, అనన్తరే ఛ, సమనన్తరే ఛ, సహజాతే తీణి, అఞ్ఞమఞ్ఞే తీణి, నిస్సయే తీణి, ఉపనిస్సయే నవ…పే… అవిగతే తీణి (సంఖిత్తం).
నహేతుయా నవ, నఆరమ్మణే నవ (సంఖిత్తం).
హేతుపచ్చయా నఆరమ్మణే తీణి (సంఖిత్తం).
నహేతుపచ్చయా ఆరమ్మణే నవ (సంఖిత్తం).
(యథా కుసలత్తికే పఞ్హావారం, ఏవం విత్థారేతబ్బం.)