౧-౭. పటిచ్చవారాది
పచ్చయచతుక్కం
హేతుపచ్చయో
౧౬౭. పరిత్తారమ్మణం హేతుం ధమ్మం పటిచ్చ పరిత్తారమ్మణో హేతు ధమ్మో ఉప్పజ్జతి హేతుపచ్చయా. (౧)
మహగ్గతారమ్మణం హేతుం ధమ్మం పటిచ్చ మహగ్గతారమ్మణో హేతు ధమ్మో ఉప్పజ్జతి హేతుపచ్చయా. (౧)
అప్పమాణారమ్మణం హేతుం ధమ్మం పటిచ్చ అప్పమాణారమ్మణో హేతు ధమ్మో ఉప్పజ్జతి హేతుపచ్చయా. (౧) (సంఖిత్తం.)
హేతుయా తీణి, ఆరమ్మణే తీణి…పే… విగతే తీణి, అవిగతే తీణి (సంఖిత్తం).
నఅధిపతియా తీణి, నపురేజాతే తీణి, నపచ్ఛాజాతే తీణి, నఆసేవనే తీణి, నవిపాకే తీణి, నవిప్పయుత్తే తీణి (సంఖిత్తం).
(సహజాతవారమ్పి …పే… సమ్పయుత్తవారమ్పి పటిచ్చవారసదిసం విత్థారేతబ్బం.)
హేతు-ఆరమ్మణపచ్చయా
౧౬౮. పరిత్తారమ్మణో హేతు ధమ్మో పరిత్తారమ్మణస్స హేతుస్స ధమ్మస్స హేతుపచ్చయేన పచ్చయో. (౧)
మహగ్గతారమ్మణో హేతు ధమ్మో మహగ్గతారమ్మణస్స హేతుస్స ధమ్మస్స హేతుపచ్చయేన పచ్చయో. (౧)
అప్పమాణారమ్మణో హేతు ధమ్మో అప్పమాణారమ్మణస్స హేతుస్స ధమ్మస్స హేతుపచ్చయేన పచ్చయో. (౧)
పరిత్తారమ్మణో హేతు ధమ్మో పరిత్తారమ్మణస్స హేతుస్స ధమ్మస్స ఆరమ్మణపచ్చయేన పచ్చయో. పరిత్తారమ్మణో హేతు ధమ్మో మహగ్గతారమ్మణస్స హేతుస్స ధమ్మస్స ఆరమ్మణపచ్చయేన పచ్చయో. (౨)
మహగ్గతారమ్మణో హేతు ధమ్మో మహగ్గతారమ్మణస్స హేతుస్స ధమ్మస్స ఆరమ్మణపచ్చయేన పచ్చయో. మహగ్గతారమ్మణో హేతు ధమ్మో పరిత్తారమ్మణస్స హేతుస్స ధమ్మస్స ఆరమ్మణపచ్చయేన పచ్చయో. (౨)
అప్పమాణారమ్మణో హేతు ధమ్మో అప్పమాణారమ్మణస్స హేతుస్స ధమ్మస్స ఆరమ్మణపచ్చయేన పచ్చయో. అప్పమాణారమ్మణో హేతు ధమ్మో పరిత్తారమ్మణస్స హేతుస్స ధమ్మస్స ఆరమ్మణపచ్చయేన పచ్చయో. అప్పమాణారమ్మణో హేతు ధమ్మో మహగ్గతారమ్మణస్స హేతుస్స ధమ్మస్స ఆరమ్మణపచ్చయేన పచ్చయో. (౩) (సంఖిత్తం.)
౧౬౯. హేతుయా తీణి, ఆరమ్మణే సత్త, అధిపతియా సత్త, అనన్తరే నవ, సమనన్తరే నవ, ఉపనిస్సయే నవ…పే… అవిగతే తీణి (సంఖిత్తం).
నహేతుయా నవ, నఆరమ్మణే నవ (సంఖిత్తం).
హేతుపచ్చయా నఆరమ్మణే తీణి (సంఖిత్తం).
నహేతుపచ్చయా ఆరమ్మణే సత్త (సంఖిత్తం).
(యథా కుసలత్తికే పఞ్హావారం, ఏవం విత్థారేతబ్బం.)