౧-౭. పటిచ్చవారాది

పచ్చయచతుక్కం

హేతుపచ్చయో

౧౭౦. పరిత్తారమ్మణం నహేతుం ధమ్మం పటిచ్చ పరిత్తారమ్మణో నహేతు ధమ్మో ఉప్పజ్జతి హేతుపచ్చయా (సంఖిత్తం).

హేతుయా తీణి, ఆరమ్మణే తీణి, అధిపతియా తీణి…పే… అవిగతే తీణి (సంఖిత్తం).

౧౭౧. పరిత్తారమ్మణం నహేతుం ధమ్మం పటిచ్చ పరిత్తారమ్మణో నహేతు ధమ్మో ఉప్పజ్జతి నహేతుపచ్చయా (సంఖిత్తం).

నహేతుయా తీణి, నఅధిపతియా తీణి…పే… నవిప్పయుత్తే తీణి (సంఖిత్తం).

హేతుపచ్చయా నఅధిపతియా తీణి (సంఖిత్తం).

నహేతుపచ్చయా ఆరమ్మణే తీణి (సంఖిత్తం).

(సహజాతవారమ్పి…పే… సమ్పయుత్తవారమ్పి పటిచ్చవారసదిసం విత్థారేతబ్బం.)

ఆరమ్మణ-అధిపతిపచ్చయా

౧౭౨. పరిత్తారమ్మణో నహేతు ధమ్మో పరిత్తారమ్మణస్స నహేతుస్స ధమ్మస్స ఆరమ్మణపచ్చయేన పచ్చయో. పరిత్తారమ్మణో నహేతు ధమ్మో మహగ్గతారమ్మణస్స నహేతుస్స ధమ్మస్స ఆరమ్మణపచ్చయేన పచ్చయో. (౨)

మహగ్గతారమ్మణో నహేతు ధమ్మో మహగ్గతారమ్మణస్స నహేతుస్స ధమ్మస్స ఆరమ్మణపచ్చయేన పచ్చయో. మహగ్గతారమ్మణో నహేతు ధమ్మో పరిత్తారమ్మణస్స నహేతుస్స ధమ్మస్స ఆరమ్మణపచ్చయేన పచ్చయో. (౨)

అప్పమాణారమ్మణో నహేతు ధమ్మో అప్పమాణారమ్మణస్స నహేతుస్స ధమ్మస్స ఆరమ్మణపచ్చయేన పచ్చయో. అప్పమాణారమ్మణో నహేతు ధమ్మో పరిత్తారమ్మణస్స నహేతుస్స ధమ్మస్స ఆరమ్మణపచ్చయేన పచ్చయో. అప్పమాణారమ్మణో నహేతు ధమ్మో మహగ్గతారమ్మణస్స నహేతుస్స ధమ్మస్స ఆరమ్మణపచ్చయేన పచ్చయో. (౩)

పరిత్తారమ్మణో నహేతు ధమ్మో పరిత్తారమ్మణస్స నహేతుస్స ధమ్మస్స అధిపతిపచ్చయేన పచ్చయో (సంఖిత్తం).

౧౭౩. ఆరమ్మణే సత్త, అధిపతియా సత్త, అనన్తరే నవ, సమనన్తరే నవ, ఉపనిస్సయే నవ…పే… అవిగతే తీణి (సంఖిత్తం).

నహేతుయా నవ, నఆరమ్మణే నవ (సంఖిత్తం).

ఆరమ్మణపచ్చయా నహేతుయా సత్త (సంఖిత్తం).

నహేతుపచ్చయా ఆరమ్మణే సత్త (సంఖిత్తం).

(యథా కుసలత్తికే పఞ్హావారం, ఏవం విత్థారేతబ్బం.)