౧-౬. పటిచ్చవారాది

పచ్చయచతుక్కం

హేతు-ఆరమ్మణపచ్చయా

౧౫. కుసలం నహేతుం ధమ్మం పటిచ్చ కుసలో నహేతు ధమ్మో ఉప్పజ్జతి హేతుపచ్చయా. కుసలం నహేతుం ధమ్మం పటిచ్చ అబ్యాకతో నహేతు ధమ్మో ఉప్పజ్జతి హేతుపచ్చయా. కుసలం నహేతుం ధమ్మం పటిచ్చ కుసలో నహేతు చ అబ్యాకతో నహేతు చ ధమ్మా ఉప్పజ్జన్తి హేతుపచ్చయా. (౩)

అకుసలం నహేతుం ధమ్మం పటిచ్చ అకుసలో నహేతు ధమ్మో ఉప్పజ్జతి హేతుపచ్చయా. అకుసలం నహేతుం ధమ్మం పటిచ్చ అబ్యాకతో నహేతు ధమ్మో ఉప్పజ్జతి హేతుపచ్చయా. అకుసలం నహేతుం ధమ్మం పటిచ్చ అకుసలో నహేతు చ అబ్యాకతో నహేతు చ ధమ్మా ఉప్పజ్జన్తి హేతుపచ్చయా. (౩)

అబ్యాకతం నహేతుం ధమ్మం పటిచ్చ అబ్యాకతో నహేతు ధమ్మో ఉప్పజ్జతి హేతుపచ్చయా. (౧)

కుసలం నహేతుఞ్చ అబ్యాకతం నహేతుఞ్చ ధమ్మం పటిచ్చ అబ్యాకతో నహేతు ధమ్మో ఉప్పజ్జతి హేతుపచ్చయా. (౧)

అకుసలం నహేతుఞ్చ అబ్యాకతం నహేతుఞ్చ ధమ్మం పటిచ్చ అబ్యాకతో నహేతు ధమ్మో ఉప్పజ్జతి హేతుపచ్చయా. (౧)

౧౬. కుసలం నహేతుం ధమ్మం పటిచ్చ కుసలో నహేతు ధమ్మో ఉప్పజ్జతి ఆరమ్మణపచ్చయా. (౧)

అకుసలం నహేతుం ధమ్మం పటిచ్చ అకుసలో నహేతు ధమ్మో ఉప్పజ్జతి ఆరమ్మణపచ్చయా. (౧)

అబ్యాకతం నహేతుం ధమ్మం పటిచ్చ అబ్యాకతో నహేతు ధమ్మో ఉప్పజ్జతి ఆరమ్మణపచ్చయా (౧) (సంఖిత్తం.)

౧౭. హేతుయా నవ, ఆరమ్మణే తీణి, అధిపతియా నవ, అనన్తరే తీణి, సమనన్తరే తీణి, సహజాతే నవ, అఞ్ఞమఞ్ఞే తీణి, నిస్సయే నవ, ఉపనిస్సయే తీణి, పురేజాతే తీణి, ఆసేవనే తీణి, కమ్మే నవ, విపాకే ఏకం, ఆహారే నవ, ఇన్ద్రియే నవ, ఝానే నవ, మగ్గే నవ, సమ్పయుత్తే తీణి, విప్పయుత్తే నవ, అత్థియా నవ, నత్థియా తీణి, విగతే తీణి, అవిగతే నవ (సంఖిత్తం).

నహేతునఆరమ్మణపచ్చయాది

౧౮. అబ్యాకతం నహేతుం ధమ్మం పటిచ్చ అబ్యాకతో నహేతు ధమ్మో ఉప్పజ్జతి నహేతుపచ్చయా. (౧)

కుసలం నహేతుం ధమ్మం పటిచ్చ అబ్యాకతో నహేతు ధమ్మో ఉప్పజ్జతి నఆరమ్మణపచ్చయా. (౧)

అకుసలం నహేతుం ధమ్మం పటిచ్చ అబ్యాకతో నహేతు ధమ్మో ఉప్పజ్జతి నఆరమ్మణపచ్చయా. (౧)

అబ్యాకతం నహేతుం ధమ్మం పటిచ్చ అబ్యాకతో నహేతు ధమ్మో ఉప్పజ్జతి నఆరమ్మణపచ్చయా. (౧)

కుసలం నహేతుఞ్చ అబ్యాకతం నహేతుఞ్చ ధమ్మం పటిచ్చ అబ్యాకతో నహేతు ధమ్మో ఉప్పజ్జతి నఆరమ్మణపచ్చయా. (౧)

అకుసలం నహేతుఞ్చ అబ్యాకతం నహేతుఞ్చ ధమ్మం పటిచ్చ అబ్యాకతో నహేతు ధమ్మో ఉప్పజ్జతి నఆరమ్మణపచ్చయా. (౧) (సంఖిత్తం.)

౧౯. నహేతుయా ఏకం, నఆరమ్మణే పఞ్చ, నఅధిపతియా నవ, నఅనన్తరే పఞ్చ, నసమనన్తరే పఞ్చ, నఅఞ్ఞమఞ్ఞే పఞ్చ, నఉపనిస్సయే పఞ్చ, నపురేజాతే సత్త, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నఆహారే ఏకం, నఇన్ద్రియే ఏకం, నఝానే ఏకం, నమగ్గే ఏకం, నసమ్పయుత్తే పఞ్చ, నవిప్పయుత్తే తీణి, నోనత్థియా పఞ్చ, నోవిగతే పఞ్చ (సంఖిత్తం).

హేతుపచ్చయా నఆరమ్మణే పఞ్చ (సంఖిత్తం).

నహేతుపచ్చయా ఆరమ్మణే ఏకం (సంఖిత్తం).

(సహజాతవారమ్పి పచ్చయవారమ్పి నిస్సయవారమ్పి సంసట్ఠవారమ్పి సమ్పయుత్తవారమ్పి పటిచ్చవారసదిసా విత్థారేతబ్బా.)