౧-౭. పటిచ్చవారాది
పచ్చయచతుక్కం
౧౫౮. పరిత్తం హేతుం ధమ్మం పటిచ్చ పరిత్తో హేతు ధమ్మో ఉప్పజ్జతి హేతుపచ్చయా. (౧)
మహగ్గతం హేతుం ధమ్మం పటిచ్చ మహగ్గతో హేతు ధమ్మో ఉప్పజ్జతి హేతుపచ్చయా. (౧)
అప్పమాణం హేతుం ధమ్మం పటిచ్చ అప్పమాణో హేతు ధమ్మో ఉప్పజ్జతి హేతుపచ్చయా. (౧) (సంఖిత్తం.)
హేతుయా తీణి, ఆరమ్మణే తీణి…పే… అవిగతే తీణి (సంఖిత్తం).
నఅధిపతియా తీణి…పే… నవిప్పయుత్తే తీణి (సంఖిత్తం).
(సహజాతవారమ్పి…పే… సమ్పయుత్తవారమ్పి పటిచ్చవారసదిసం విత్థారేతబ్బం.)
హేతుఆరమ్మణపచ్చయాది
౧౫౯. పరిత్తో హేతు ధమ్మో పరిత్తస్స హేతుస్స ధమ్మస్స హేతుపచ్చయేన పచ్చయో. (౧)
మహగ్గతో హేతు ధమ్మో మహగ్గతస్స హేతుస్స ధమ్మస్స హేతుపచ్చయేన పచ్చయో. (౧)
అప్పమాణో హేతు ధమ్మో అప్పమాణస్స హేతుస్స ధమ్మస్స హేతుపచ్చయేన పచ్చయో. (౧)
పరిత్తో హేతు ధమ్మో పరిత్తస్స హేతుస్స ధమ్మస్స ఆరమ్మణపచ్చయేన పచ్చయో. పరిత్తో హేతు ధమ్మో మహగ్గతస్స హేతుస్స ధమ్మస్స ఆరమ్మణపచ్చయేన పచ్చయో. (౨)
మహగ్గతో హేతు ధమ్మో మహగ్గతస్స హేతుస్స ధమ్మస్స ఆరమ్మణపచ్చయేన పచ్చయో. మహగ్గతో హేతు ధమ్మో పరిత్తస్స హేతుస్స ధమ్మస్స ఆరమ్మణపచ్చయేన పచ్చయో. (౨)
అప్పమాణో హేతు ధమ్మో పరిత్తస్స హేతుస్స ధమ్మస్స ఆరమ్మణపచ్చయేన పచ్చయో. అప్పమాణో హేతు ధమ్మో మహగ్గతస్స హేతుస్స ధమ్మస్స ఆరమ్మణపచ్చయేన పచ్చయో. (౨)
౧౬౦. పరిత్తో హేతు ధమ్మో పరిత్తస్స హేతుస్స ధమ్మస్స అధిపతిపచ్చయేన పచ్చయో. (౧)
మహగ్గతో హేతు ధమ్మో మహగ్గతస్స హేతుస్స ధమ్మస్స అధిపతిపచ్చయేన పచ్చయో. మహగ్గతో హేతు ధమ్మో పరిత్తస్స హేతుస్స ధమ్మస్స అధిపతిపచ్చయేన పచ్చయో. (౨)
అప్పమాణో హేతు ధమ్మో అప్పమాణస్స హేతుస్స ధమ్మస్స అధిపతిపచ్చయేన పచ్చయో… ద్వే.
పరిత్తో హేతు ధమ్మో పరిత్తస్స హేతుస్స ధమ్మస్స అనన్తరపచ్చయేన పచ్చయో. పరిత్తో హేతు ధమ్మో మహగ్గతస్స హేతుస్స ధమ్మస్స అనన్తరపచ్చయేన పచ్చయో. పరిత్తో హేతు ధమ్మో అప్పమాణస్స హేతుస్స ధమ్మస్స అనన్తరపచ్చయేన పచ్చయో. (౩)
మహగ్గతో హేతు ధమ్మో మహగ్గతస్స హేతుస్స ధమ్మస్స అనన్తరపచ్చయేన పచ్చయో. మహగ్గతో హేతు ధమ్మో పరిత్తస్స హేతుస్స ధమ్మస్స అనన్తరపచ్చయేన పచ్చయో. మహగ్గతో హేతు ధమ్మో అప్పమాణస్స హేతుస్స ధమ్మస్స అనన్తరపచ్చయేన పచ్చయో. (౩)
అప్పమాణో హేతు ధమ్మో అప్పమాణస్స హేతుస్స ధమ్మస్స అనన్తరపచ్చయేన పచ్చయో. అప్పమాణో హేతు ధమ్మో పరిత్తస్స హేతుస్స ధమ్మస్స అనన్తరపచ్చయేన పచ్చయో. అప్పమాణో హేతు ధమ్మో మహగ్గతస్స హేతుస్స ధమ్మస్స అనన్తరపచ్చయేన పచ్చయో. (౩)
పరిత్తో హేతు ధమ్మో పరిత్తస్స హేతుస్స ధమ్మస్స ఉపనిస్సయపచ్చయేన పచ్చయో (సంఖిత్తం).
౧౬౧. హేతుయా తీణి, ఆరమ్మణే ఛ, అధిపతియా పఞ్చ, అనన్తరే నవ, సమనన్తరే నవ, సహజాతే తీణి, అఞ్ఞమఞ్ఞే తీణి, నిస్సయే తీణి, ఉపనిస్సయే నవ…పే… అవిగతే తీణి (సంఖిత్తం).
నహేతుయా నవ, నఆరమ్మణే నవ (సంఖిత్తం).
హేతుపచ్చయా నఆరమ్మణే తీణి (సంఖిత్తం).
నహేతుపచ్చయా ఆరమ్మణే ఛ (సంఖిత్తం).
(యథా కుసలత్తికే పఞ్హావారం, ఏవం విత్థారేతబ్బం.)