౧-౬. పటిచ్చవారాది

పచ్చయచతుక్కం

హేతుపచ్చయో

౧౬౨. పరిత్తం నహేతుం ధమ్మం పటిచ్చ పరిత్తో నహేతు ధమ్మో ఉప్పజ్జతి హేతుపచ్చయా… తీణి.

మహగ్గతం నహేతుం ధమ్మం పటిచ్చ మహగ్గతో నహేతు ధమ్మో ఉప్పజ్జతి హేతుపచ్చయా. మహగ్గతం నహేతుం ధమ్మం పటిచ్చ పరిత్తో నహేతు ధమ్మో ఉప్పజ్జతి హేతుపచ్చయా. మహగ్గతం నహేతుం ధమ్మం పటిచ్చ పరిత్తో నహేతు చ మహగ్గతో నహేతు చ ధమ్మా ఉప్పజ్జన్తి హేతుపచ్చయా. (౩)

అప్పమాణం నహేతుం ధమ్మం పటిచ్చ అప్పమాణో నహేతు ధమ్మో ఉప్పజ్జతి హేతుపచ్చయా. అప్పమాణం నహేతుం ధమ్మం పటిచ్చ పరిత్తో నహేతు ధమ్మో ఉప్పజ్జతి హేతుపచ్చయా. అప్పమాణం నహేతుం ధమ్మం పటిచ్చ పరిత్తో నహేతు చ అప్పమాణో నహేతు చ ధమ్మా ఉప్పజ్జన్తి హేతుపచ్చయా. (౩)

పరిత్తం నహేతుఞ్చ మహగ్గతం నహేతుఞ్చ ధమ్మం పటిచ్చ పరిత్తో నహేతు ధమ్మో ఉప్పజ్జతి హేతుపచ్చయా… తీణి.

పరిత్తం నహేతుఞ్చ అప్పమాణం నహేతుఞ్చ ధమ్మం పటిచ్చ పరిత్తో నహేతు ధమ్మో ఉప్పజ్జతి హేతుపచ్చయా. (౧) (సంఖిత్తం.)

౧౬౩. హేతుయా తేరస, ఆరమ్మణే పఞ్చ, అధిపతియా నవ…పే… విగతే పఞ్చ, అవిగతే తేరస (సంఖిత్తం).

పచ్చనీయం

నహేతుపచ్చయో

౧౬౪. పరిత్తం నహేతుం ధమ్మం పటిచ్చ పరిత్తో నహేతు ధమ్మో ఉప్పజ్జతి నహేతుపచ్చయా. (౧) (సంఖిత్తం.)

నహేతుయా ఏకం, నఆరమ్మణే పఞ్చ, నఅధిపతియా దస…పే… నోవిగతే పఞ్చ (సంఖిత్తం).

హేతుపచ్చయా నఆరమ్మణే పఞ్చ (సంఖిత్తం).

నహేతుపచ్చయా ఆరమ్మణే ఏకం (సంఖిత్తం).

(సహజాతవారమ్పి…పే… సమ్పయుత్తవారమ్పి పటిచ్చవారసదిసం విత్థారేతబ్బం.)