౧. విభఙ్గవారో

హేతుపచ్చయో

౯౦. పరామాసవిప్పయుత్తం పరామట్ఠం ధమ్మం పటిచ్చ పరామాసవిప్పయుత్తో పరామట్ఠో ధమ్మో ఉప్పజ్జతి హేతుపచ్చయా – పరామాసవిప్పయుత్తం పరామట్ఠం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే….

పరామాసవిప్పయుత్తం అపరామట్ఠం ధమ్మం పటిచ్చ పరామాసవిప్పయుత్తో అపరామట్ఠో ధమ్మో ఉప్పజ్జతి హేతుపచ్చయా (సంఖిత్తం).

(యథా చూళన్తరదుకే లోకియదుకం ఏవం కాతబ్బం నిన్నానాకరణం.)

పరామాసవిప్పయుత్తపరామట్ఠదుకం నిట్ఠితం.

పరామాసగోచ్ఛకం నిట్ఠితం.