౯. పరామాసగోచ్ఛకం
౫౦. పరామాసదుకం
౧. పటిచ్చవారో
౧. పచ్చయానులోమం
౧. విభఙ్గవారో
హేతుపచ్చయో
౧. పరామాసం ధమ్మం పటిచ్చ నోపరామాసో ధమ్మో ఉప్పజ్జతి హేతుపచ్చయా – పరామాసం పటిచ్చ సమ్పయుత్తకా ఖన్ధా చిత్తసముట్ఠానఞ్చ రూపం. (౧)
౨. నోపరామాసం ధమ్మం పటిచ్చ నోపరామాసో ధమ్మో ఉప్పజ్జతి హేతుపచ్చయా – నోపరామాసం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే…పే… (యావ అసఞ్ఞసత్తా మహాభూతా). (౧)
నోపరామాసం ధమ్మం పటిచ్చ పరామాసో ధమ్మో ఉప్పజ్జతి హేతుపచ్చయా – నోపరామాసే ఖన్ధే పటిచ్చ పరామాసో. (౨)
నోపరామాసం ధమ్మం పటిచ్చ పరామాసో చ నోపరామాసో చ ధమ్మా ఉప్పజ్జన్తి హేతుపచ్చయా – నోపరామాసం ఏకం ఖన్ధం పటిచ్చ తయో ఖన్ధా పరామాసో చ చిత్తసముట్ఠానఞ్చ రూపం…పే… ద్వే ఖన్ధే…పే…. (౩)
౩. పరామాసఞ్చ నోపరామాసఞ్చ ధమ్మం పటిచ్చ నోపరామాసో ధమ్మో ఉప్పజ్జతి హేతుపచ్చయా – నోపరామాసం ఏకం ఖన్ధఞ్చ పరామాసఞ్చ పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే చ…పే… పరామాసే చ మహాభూతే చ పటిచ్చ చిత్తసముట్ఠానం రూపం. (౧)
౧. పచ్చయానులోమం
౨. సఙ్ఖ్యావారో
౪. హేతుయా పఞ్చ, ఆరమ్మణే పఞ్చ (సబ్బత్థ పఞ్చ), విపాకే ఏకం…పే… అవిగతే పఞ్చ.
అనులోమం.
౨. పచ్చయపచ్చనీయం
౧. విభఙ్గవారో
నహేతుపచ్చయో
౫. నోపరామాసం ధమ్మం పటిచ్చ నోపరామాసో ధమ్మో ఉప్పజ్జతి నహేతుపచ్చయా – అహేతుకం నోపరామాసం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… అహేతుకపటిసన్ధిక్ఖణే…పే… (యావ అసఞ్ఞసత్తా) విచికిచ్ఛాసహగతే ఉద్ధచ్చసహగతే ఖన్ధే పటిచ్చ విచికిచ్ఛాసహగతో ఉద్ధచ్చసహగతో మోహో. (౧)
నఆరమ్మణపచ్చయో
౬. పరామాసం ధమ్మం పటిచ్చ నోపరామాసో ధమ్మో ఉప్పజ్జతి నఆరమ్మణపచ్చయా – పరామాసం పటిచ్చ చిత్తసముట్ఠానం రూపం. (౧)
నోపరామాసం ధమ్మం పటిచ్చ నోపరామాసో ధమ్మో ఉప్పజ్జతి నఆరమ్మణపచ్చయా – నోపరామాసే ఖన్ధే పటిచ్చ చిత్తసముట్ఠానం రూపం; పటిసన్ధిక్ఖణే…పే… (యావ అసఞ్ఞసత్తా). (౧)
పరామాసఞ్చ నోపరామాసఞ్చ ధమ్మం పటిచ్చ నోపరామాసో ధమ్మో ఉప్పజ్జతి నఆరమ్మణపచ్చయా – పరామాసఞ్చ సమ్పయుత్తకే చ ఖన్ధే పటిచ్చ చిత్తసముట్ఠానం రూపం. (౧)
౨. పచ్చయపచ్చనీయం
౨. సఙ్ఖ్యావారో
సుద్ధం
౭. నహేతుయా ఏకం, నఆరమ్మణే తీణి, నఅధిపతియా పఞ్చ, నఅనన్తరే తీణి, నసమనన్తరే తీణి, నఅఞ్ఞమఞ్ఞే తీణి, నఉపనిస్సయే తీణి, నపురేజాతే పఞ్చ, నపచ్ఛాజాతే పఞ్చ, నఆసేవనే పఞ్చ, నకమ్మే తీణి, నవిపాకే పఞ్చ, నఆహారే ఏకం, నఇన్ద్రియే ఏకం, నఝానే ఏకం, నమగ్గే ఏకం, నసమ్పయుత్తే తీణి, నవిప్పయుత్తే పఞ్చ, నోనత్థియా తీణి, నోవిగతే తీణి.
౩. పచ్చయానులోమపచ్చనీయం
హేతుదుకం
౮. హేతుపచ్చయా నఆరమ్మణే తీణి, నఅధిపతియా పఞ్చ…పే… నవిపాకే పఞ్చ…పే… నసమ్పయుత్తే తీణి, నవిప్పయుత్తే పఞ్చ, నోనత్థియా తీణి, నోవిగతే తీణి.
౪. పచ్చయపచ్చనీయానులోమం
నహేతుదుకం
౯. నహేతుపచ్చయా ఆరమ్మణే ఏకం, అనన్తరే ఏకం (సబ్బత్థ ఏకం), అవిగతే ఏకం.
౨. సహజాతవారో
(సహజాతవారోపి పటిచ్చవారసదిసో.)
౩. పచ్చయవారో
౧. పచ్చయానులోమం
౧. విభఙ్గవారో
హేతుపచ్చయో
౧౦. పరామాసం ధమ్మం పచ్చయా నోపరామాసో ధమ్మో ఉప్పజ్జతి హేతుపచ్చయా – పరామాసం పచ్చయా సమ్పయుత్తకా ఖన్ధా చిత్తసముట్ఠానఞ్చ రూపం. (౧)
నోపరామాసం ధమ్మం పచ్చయా నోపరామాసో ధమ్మో ఉప్పజ్జతి హేతుపచ్చయా – నోపరామాసం ఏకం ఖన్ధం పచ్చయా తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే…పే… (యావ అజ్ఝత్తికా మహాభూతా), వత్థుం పచ్చయా నోపరామాసా ఖన్ధా. (౧)
నోపరామాసం ధమ్మం పచ్చయా పరామాసో ధమ్మో ఉప్పజ్జతి హేతుపచ్చయా – నోపరామాసే ఖన్ధే పచ్చయా పరామాసో, వత్థుం పచ్చయా పరామాసో. (౨)
నోపరామాసం ధమ్మం పచ్చయా పరామాసో చ నోపరామాసో చ ధమ్మా ఉప్పజ్జన్తి హేతుపచ్చయా – నోపరామాసం ఏకం ఖన్ధం పచ్చయా తయో ఖన్ధా పరామాసో చ చిత్తసముట్ఠానఞ్చ రూపం…పే… ద్వే ఖన్ధే…పే… వత్థుం పచ్చయా పరామాసో, మహాభూతే పచ్చయా చిత్తసముట్ఠానం రూపం, వత్థుం పచ్చయా పరామాసో చ సమ్పయుత్తకా చ ఖన్ధా. (౩)
౧౧. పరామాసఞ్చ నోపరామాసఞ్చ ధమ్మం పచ్చయా నోపరామాసో ధమ్మో ఉప్పజ్జతి హేతుపచ్చయా – నోపరామాసం ఏకం ఖన్ధఞ్చ పరామాసఞ్చ పచ్చయా తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే చ…పే… పరామాసఞ్చ సమ్పయుత్తకే చ ఖన్ధే పచ్చయా చిత్తసముట్ఠానం రూపం, పరామాసఞ్చ మహాభూతే చ పచ్చయా చిత్తసముట్ఠానం రూపం, పరామాసఞ్చ వత్థుఞ్చ పచ్చయా నోపరామాసా ఖన్ధా (సంఖిత్తం). (౧)
౧. పచ్చయానులోమం
౨. సఙ్ఖ్యావారో
౧౨. హేతుయా పఞ్చ, ఆరమ్మణే పఞ్చ, అధిపతియా పఞ్చ (సబ్బత్థ పఞ్చ), విపాకే ఏకం…పే… అవిగతే పఞ్చ.
౨. పచ్చయపచ్చనీయం
౧. విభఙ్గవారో
నహేతుపచ్చయో
౧౩. నోపరామాసం ధమ్మం పచ్చయా నోపరామాసో ధమ్మో ఉప్పజ్జతి నహేతుపచ్చయా – అహేతుకం నోపరామాసం ఏకం ఖన్ధం పచ్చయా తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… అహేతుకపటిసన్ధిక్ఖణే…పే… (యావ అసఞ్ఞసత్తా) చక్ఖాయతనం పచ్చయా చక్ఖువిఞ్ఞాణం…పే… కాయాయతనం పచ్చయా కాయవిఞ్ఞాణం, వత్థుం పచ్చయా అహేతుకా నోపరామాసా ఖన్ధా; విచికిచ్ఛాసహగతే ఉద్ధచ్చసహగతే ఖన్ధే చ వత్థుఞ్చ పచ్చయా విచికిచ్ఛాసహగతో ఉద్ధచ్చసహగతో మోహో (సంఖిత్తం).
౨. పచ్చయపచ్చనీయం
౨. సఙ్ఖ్యావారో
సుద్ధం
౧౪. నహేతుయా ఏకం, నఆరమ్మణే తీణి, నఅధిపతియా పఞ్చ, నఅనన్తరే తీణి…పే… నఉపనిస్సయే తీణి, నపురేజాతే పఞ్చ, నపచ్ఛాజాతే పఞ్చ, నఆసేవనే పఞ్చ, నకమ్మే తీణి, నవిపాకే పఞ్చ, నఆహారే ఏకం, నఇన్ద్రియే ఏకం, నఝానే ఏకం, నమగ్గే ఏకం, నసమ్పయుత్తే తీణి, నవిప్పయుత్తే పఞ్చ, నోనత్థియా తీణి, నోవిగతే తీణి.
౩. పచ్చయానులోమపచ్చనీయం
౧౫. హేతుపచ్చయా నఆరమ్మణే తీణి, నఅధిపతియా పఞ్చ (ఏవం సబ్బత్థ కాతబ్బం).
౪. పచ్చయపచ్చనీయానులోమం
౧౬. నహేతుపచ్చయా ఆరమ్మణే ఏకం…పే… అవిగతే ఏకం.
౪. నిస్సయవారో
(నిస్సయవారో పచ్చయవారసదిసో.)
౫. సంసట్ఠవారో
పరామాసం ధమ్మం సంసట్ఠో నోపరామాసో ధమ్మో ఉప్పజ్జతి హేతుపచ్చయా – పరామాసం సంసట్ఠా సమ్పయుత్తకా ఖన్ధా (ఏవం పఞ్చ పఞ్హా కాతబ్బా అరూపేయేవ, సంసట్ఠవారోపి సమ్పయుత్తవారోపి ఏవం కాతబ్బా).
౭. పఞ్హావారో
౧. పచ్చయానులోమం
౧. విభఙ్గవారో
హేతుపచ్చయో
౧౭. నోపరామాసో ధమ్మో నోపరామాసస్స ధమ్మస్స హేతుపచ్చయేన పచ్చయో – నోపరామాసా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో; పటిసన్ధిక్ఖణే…పే…. (౧)
నోపరామాసో ధమ్మో పరామాసస్స ధమ్మస్స హేతుపచ్చయేన పచ్చయో – నోపరామాసా హేతూ పరామాసస్స హేతుపచ్చయేన పచ్చయో. (౨)
నోపరామాసో ధమ్మో పరామాసస్స చ నోపరామాసస్స చ ధమ్మస్స హేతుపచ్చయేన పచ్చయో – నోపరామాసా హేతూ సమ్పయుత్తకానం ఖన్ధానం పరామాసస్స చ చిత్తసముట్ఠానానఞ్చ రూపానం హేతుపచ్చయేన పచ్చయో. (౩)
ఆరమ్మణపచ్చయో
౧౮. పరామాసో ధమ్మో పరామాసస్స ధమ్మస్స ఆరమ్మణపచ్చయేన పచ్చయో – పరామాసం ఆరబ్భ పరామాసో ఉప్పజ్జతి. (మూలం కాతబ్బం) పరామాసం ఆరబ్భ నోపరామాసా ఖన్ధా ఉప్పజ్జన్తి. (మూలం కాతబ్బం) పరామాసం ఆరబ్భ పరామాసో చ సమ్పయుత్తకా చ ఖన్ధా ఉప్పజ్జన్తి. (౩)
౧౯. నోపరామాసో ధమ్మో నోపరామాసస్స ధమ్మస్స ఆరమ్మణపచ్చయేన పచ్చయో – దానం…పే… సీలం…పే… ఉపోసథకమ్మం కత్వా తం పచ్చవేక్ఖతి, అస్సాదేతి అభినన్దతి, తం ఆరబ్భ రాగో…పే… విచికిచ్ఛా… ఉద్ధచ్చం… దోమనస్సం ఉప్పజ్జతి; పుబ్బే సుచిణ్ణాని …పే… ఝానా వుట్ఠహిత్వా ఝానం…పే… అరియా మగ్గా వుట్ఠహిత్వా మగ్గం పచ్చవేక్ఖన్తి, ఫలం పచ్చవేక్ఖన్తి, నిబ్బానం పచ్చవేక్ఖన్తి. నిబ్బానం గోత్రభుస్స, వోదానస్స, మగ్గస్స, ఫలస్స, ఆవజ్జనాయ ఆరమ్మణపచ్చయేన పచ్చయో; అరియా నోపరామాసే పహీనే కిలేసే…పే… విక్ఖమ్భితే కిలేసే…పే… పుబ్బే…పే… చక్ఖుం…పే… వత్థుం నోపరామాసే ఖన్ధే అనిచ్చతో…పే… విపస్సతి, అస్సాదేతి అభినన్దతి, తం ఆరబ్భ రాగో…పే… విచికిచ్ఛా… ఉద్ధచ్చం… దోమనస్సం ఉప్పజ్జతి; దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. చేతోపరియఞాణేన నోపరామాసచిత్తసమఙ్గిస్స చిత్తం జానాతి, ఆకాసానఞ్చాయతనం విఞ్ఞాణఞ్చాయతనస్స…పే… ఆకిఞ్చఞ్ఞాయతనం నేవసఞ్ఞానాసఞ్ఞాయతనస్స…పే… రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స…పే… నోపరామాసా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౧)
నోపరామాసో ధమ్మో పరామాసస్స ధమ్మస్స ఆరమ్మణపచ్చయేన పచ్చయో – దానం…పే… సీలం…పే… ఉపోసథకమ్మం…పే… తం అస్సాదేతి అభినన్దతి, తం ఆరబ్భ దిట్ఠి ఉప్పజ్జతి, పుబ్బే…పే… ఝానా…పే… చక్ఖుం…పే… వత్థుం నోపరామాసే ఖన్ధే అస్సాదేతి అభినన్దతి, తం ఆరబ్భ దిట్ఠి ఉప్పజ్జతి. (౨)
నోపరామాసో ధమ్మో పరామాసస్స చ నోపరామాసస్స చ ధమ్మస్స ఆరమ్మణపచ్చయేన పచ్చయో – దానం…పే… సీలం…పే… ఉపోసథకమ్మం…పే… తం అస్సాదేతి అభినన్దతి, తం ఆరబ్భ పరామాసో చ సమ్పయుత్తకా చ ఖన్ధా ఉప్పజ్జన్తి, పుబ్బే…పే… ఝానా …పే… చక్ఖుం…పే… వత్థుం నోపరామాసే ఖన్ధే అస్సాదేతి అభినన్దతి, తం ఆరబ్భ పరామాసో చ సమ్పయుత్తకా చ ఖన్ధా ఉప్పజ్జన్తి. (౩)
౨౦. పరామాసో చ నోపరామాసో చ ధమ్మా పరామాసస్స ధమ్మస్స ఆరమ్మణపచ్చయేన పచ్చయో – పరామాసఞ్చ సమ్పయుత్తకే చ ఖన్ధే ఆరబ్భ పరామాసో ఉప్పజ్జతి… తీణి.
అధిపతిపచ్చయో
౨౧. పరామాసో ధమ్మో పరామాసస్స ధమ్మస్స అధిపతిపచ్చయేన పచ్చయో – పరామాసం గరుం కత్వా పరామాసో ఉప్పజ్జతి… తీణి (ఆరమ్మణాధిపతియేవ కాతబ్బా).
౨౨. నోపరామాసో ధమ్మో నోపరామాసస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం…పే… సీలం…పే… ఉపోసథకమ్మం…పే… తం గరుం కత్వా పచ్చవేక్ఖతి, అస్సాదేతి అభినన్దతి, తం గరుం కత్వా రాగో ఉప్పజ్జతి, పుబ్బే…పే… ఝానా…పే… అరియా మగ్గా వుట్ఠహిత్వా మగ్గం గరుం కత్వా…పే… ఫలం గరుం కత్వా…పే… నిబ్బానం గరుం కత్వా…పే… నిబ్బానం గోత్రభుస్స, వోదానస్స, మగ్గస్స, ఫలస్స అధిపతిపచ్చయేన పచ్చయో; చక్ఖుం…పే… వత్థుం నోపరామాసే ఖన్ధే గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి. సహజాతాధిపతి – నోపరామాసాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౧)
నోపరామాసో ధమ్మో పరామాసస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం…పే… సీలం…పే… ఉపోసథకమ్మం…పే… పుబ్బే…పే… ఝానా…పే… చక్ఖుం…పే… వత్థుం నోపరామాసే ఖన్ధే గరుం కత్వా అస్సాదేతి అభినన్దతి, తం గరుం కత్వా దిట్ఠి ఉప్పజ్జతి. సహజాతాధిపతి – నోపరామాసాధిపతి పరామాసస్స అధిపతిపచ్చయేన పచ్చయో. (౨)
నోపరామాసో ధమ్మో పరామాసస్స చ నోపరామాసస్స చ ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం…పే… సీలం…పే… ఉపోసథకమ్మం…పే… పుబ్బే…పే… ఝానా …పే… చక్ఖుం…పే… వత్థుం నోపరామాసే ఖన్ధే గరుం కత్వా అస్సాదేతి అభినన్దతి, తం గరుం కత్వా పరామాసో చ సమ్పయుత్తకా చ ఖన్ధా ఉప్పజ్జన్తి. సహజాతాధిపతి – నోపరామాసాధిపతి సమ్పయుత్తకానం ఖన్ధానం పరామాసస్స చ చిత్తసముట్ఠానానఞ్చ రూపానం అధిపతిపచ్చయేన పచ్చయో. (౩)
పరామాసో చ నోపరామాసో చ ధమ్మా పరామాసస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – పరామాసఞ్చ సమ్పయుత్తకే చ ఖన్ధే గరుం కత్వా పరామాసో… తీణి.
అనన్తరపచ్చయో
౨౩. పరామాసో ధమ్మో పరామాసస్స ధమ్మస్స అనన్తరపచ్చయేన పచ్చయో – పురిమో పురిమో పరామాసో పచ్ఛిమస్స పచ్ఛిమస్స పరామాసస్స అనన్తరపచ్చయేన పచ్చయో. (మూలం కాతబ్బం) పురిమో పురిమో పరామాసో పచ్ఛిమానం పచ్ఛిమానం నోపరామాసానం ఖన్ధానం అనన్తరపచ్చయేన పచ్చయో; పరామాసో వుట్ఠానస్స అనన్తరపచ్చయేన పచ్చయో. (మూలం కాతబ్బం) పురిమో పురిమో పరామాసో పచ్ఛిమస్స పచ్ఛిమస్స పరామాసస్స సమ్పయుత్తకానఞ్చ ఖన్ధానం అనన్తరపచ్చయేన పచ్చయో. (౩)
౨౪. నోపరామాసో ధమ్మో నోపరామాసస్స ధమ్మస్స అనన్తరపచ్చయేన పచ్చయో – పురిమా పురిమా నోపరామాసా ఖన్ధా పచ్ఛిమానం పచ్ఛిమానం నోపరామాసానం ఖన్ధానం అనన్తరపచ్చయేన పచ్చయో…పే… అనులోమం ఫలసమాపత్తియా అనన్తరపచ్చయేన పచ్చయో. (మూలం కాతబ్బం) పురిమా పురిమా నోపరామాసా ఖన్ధా పచ్ఛిమస్స పచ్ఛిమస్స పరామాసస్స అనన్తరపచ్చయేన పచ్చయో; ఆవజ్జనా పరామాసస్స అనన్తరపచ్చయేన పచ్చయో. (మూలం కాతబ్బం) పురిమా పురిమా నోపరామాసా ఖన్ధా పచ్ఛిమస్స పచ్ఛిమస్స పరామాసస్స చ సమ్పయుత్తకానఞ్చ ఖన్ధానం అనన్తరపచ్చయేన పచ్చయో; ఆవజ్జనా పరామాసస్స చ సమ్పయుత్తకానఞ్చ ఖన్ధానం అనన్తరపచ్చయేన పచ్చయో. (౩)
౨౫. పరామాసో చ నోపరామాసో చ ధమ్మా పరామాసస్స ధమ్మస్స అనన్తరపచ్చయేన పచ్చయో – పురిమో పురిమో పరామాసో చ సమ్పయుత్తకా చ ఖన్ధా పచ్ఛిమస్స పచ్ఛిమస్స పరామాసస్స అనన్తరపచ్చయేన పచ్చయో. (మూలం కాతబ్బం) పురిమో పురిమో పరామాసో చ సమ్పయుత్తకా చ ఖన్ధా పచ్ఛిమానం పచ్ఛిమానం నోపరామాసానం ఖన్ధానం అనన్తరపచ్చయేన పచ్చయో; పరామాసో చ సమ్పయుత్తకా చ ఖన్ధా వుట్ఠానస్స అనన్తరపచ్చయేన పచ్చయో. (మూలం కాతబ్బం) పురిమో పురిమో పరామాసో చ సమ్పయుత్తకా చ ఖన్ధా పచ్ఛిమస్స పచ్ఛిమస్స పరామాసస్స సమ్పయుత్తకానఞ్చ ఖన్ధానం అనన్తరపచ్చయేన పచ్చయో. (౩)
సమనన్తరపచ్చయాది
౨౬. పరామాసో ధమ్మో పరామాసస్స ధమ్మస్స సమనన్తరపచ్చయేన పచ్చయో… సహజాతపచ్చయేన పచ్చయో… అఞ్ఞమఞ్ఞపచ్చయేన పచ్చయో… నిస్సయపచ్చయేన పచ్చయో… పఞ్చ.
ఉపనిస్సయపచ్చయో
౨౭. పరామాసో ధమ్మో పరామాసస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – పరామాసో పరామాసస్స ఉపనిస్సయపచ్చయేన పచ్చయో… తీణి.
౨౮. నోపరామాసో ధమ్మో నోపరామాసస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధం ఉపనిస్సాయ దానం దేతి…పే… సమాపత్తిం ఉప్పాదేతి… మానం జప్పేతి… సీలం…పే… పఞ్ఞం… రాగం… దోసం… మోహం… మానం… పత్థనం… కాయికం సుఖం…పే… సేనాసనం ఉపనిస్సాయ దానం దేతి…పే… సమాపత్తిం ఉప్పాదేతి… పాణం హనతి…పే… సఙ్ఘం భిన్దతి; సద్ధా…పే… సేనాసనం, సద్ధాయ…పే… పఞ్ఞాయ, రాగస్స…పే… పత్థనాయ… కాయికస్స సుఖస్స…పే… మగ్గస్స, ఫలసమాపత్తియా ఉపనిస్సయపచ్చయేన పచ్చయో. (౧)
నోపరామాసో ధమ్మో పరామాసస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధం ఉపనిస్సాయ దిట్ఠిం గణ్హాతి, సీలం…పే… పఞ్ఞం, రాగం…పే… పత్థనం, కాయికం సుఖం…పే… సేనాసనం ఉపనిస్సాయ దిట్ఠిం గణ్హాతి; సద్ధా…పే… సేనాసనం పరామాసస్స ఉపనిస్సయపచ్చయేన పచ్చయో. (౨)
నోపరామాసో ధమ్మో పరామాసస్స చ నోపరామాసస్స చ ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధం ఉపనిస్సాయ దిట్ఠిం గణ్హాతి, సీలం…పే… సేనాసనం ఉపనిస్సాయ దిట్ఠిం గణ్హాతి; సద్ధా…పే… సేనాసనం పరామాసస్స సమ్పయుత్తకానఞ్చ ఖన్ధానం ఉపనిస్సయపచ్చయేన పచ్చయో. (౩)
౨౯. పరామాసో చ నోపరామాసో చ ధమ్మా పరామాసస్స ధమ్మస్స ఉపనిస్సయపచ్చయేన పచ్చయో – తీణి ఉపనిస్సయా పరామాసో చ సమ్పయుత్తకా చ ఖన్ధా పరామాసస్స ఉపనిస్సయపచ్చయేన పచ్చయో… తీణి.
పురేజాతపచ్చయో
౩౦. నోపరామాసో ధమ్మో నోపరామాసస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అనిచ్చతో…పే… విపస్సతి అస్సాదేతి అభినన్దతి, తం ఆరబ్భ రాగో…పే… విచికిచ్ఛా…పే… ఉద్ధచ్చం…పే… దోమనస్సం ఉప్పజ్జతి; దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స…పే…. వత్థుపురేజాతం – చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స…పే… వత్థు నోపరామాసానం ఖన్ధానం పురేజాతపచ్చయేన పచ్చయో. (౧)
నోపరామాసో ధమ్మో పరామాసస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అస్సాదేతి అభినన్దతి, తం ఆరబ్భ దిట్ఠి ఉప్పజ్జతి. వత్థుపురేజాతం – వత్థు పరామాసస్స పురేజాతపచ్చయేన పచ్చయో. (౨)
నోపరామాసో ధమ్మో పరామాసస్స చ నోపరామాసస్స చ ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అస్సాదేతి అభినన్దతి, తం ఆరబ్భ పరామాసో చ సమ్పయుత్తకా చ ఖన్ధా ఉప్పజ్జన్తి. వత్థుపురేజాతం – వత్థు పరామాసస్స చ సమ్పయుత్తకానఞ్చ ఖన్ధానం పురేజాతపచ్చయేన పచ్చయో. (౩)
పచ్ఛాజాతాసేవనపచ్చయా
౩౧. పరామాసో ధమ్మో నోపరామాసస్స ధమ్మస్స పచ్ఛాజాతపచ్చయేన పచ్చయో… తీణి (పచ్ఛాజాతా కాతబ్బా)… ఆసేవనపచ్చయేన పచ్చయో… నవ.
కమ్మపచ్చయో
౩౨. నోపరామాసో ధమ్మో నోపరామాసస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – నోపరామాసా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో; పటిసన్ధిక్ఖణే…పే…. నానాక్ఖణికా – నోపరామాసా చేతనా విపాకానం ఖన్ధానం కటత్తా చ రూపానం కమ్మపచ్చయేన పచ్చయో. (మూలం కాతబ్బం) నోపరామాసా చేతనా పరామాసస్స కమ్మపచ్చయేన పచ్చయో. (మూలం కాతబ్బం) నోపరామాసా చేతనా పరామాసస్స చ సమ్పయుత్తకానఞ్చ ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో. (౩)
విపాకపచ్చయాది
౩౩. నోపరామాసో ధమ్మో నోపరామాసస్స ధమ్మస్స విపాకపచ్చయేన పచ్చయో… ఏకం… ఆహారపచ్చయేన పచ్చయో… తీణి, ఇన్ద్రియపచ్చయేన పచ్చయో… తీణి… ఝానపచ్చయేన పచ్చయో… తీణి.
పరామాసో ధమ్మో నోపరామాసస్స ధమ్మస్స మగ్గపచ్చయేన పచ్చయో – పరామాసాని మగ్గఙ్గాని…పే… (ఏవం పఞ్చ పఞ్హా కాతబ్బా) సమ్పయుత్తపచ్చయేన పచ్చయో… పఞ్చ.
విప్పయుత్తపచ్చయో
౩౪. పరామాసో ధమ్మో నోపరామాసస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం (సంఖిత్తం). (౧)
నోపరామాసో ధమ్మో నోపరామాసస్స ధమ్మస్స విప్పయుత్తపచ్చయేన పచ్చయో – సహజాతం, పురేజాతం, పచ్ఛాజాతం (సంఖిత్తం). (౧)
నోపరామాసో ధమ్మో పరామాసస్స ధమ్మస్స విప్పయుత్తపచ్చయేన పచ్చయో. పురేజాతం – వత్థు పరామాసస్స విప్పయుత్తపచ్చయేన పచ్చయో. (౨)
నోపరామాసో ధమ్మో పరామాసస్స చ నోపరామాసస్స చ ధమ్మస్స విప్పయుత్తపచ్చయేన పచ్చయో. పురేజాతం – వత్థు పరామాసస్స చ సమ్పయుత్తకానఞ్చ ఖన్ధానం విప్పయుత్తపచ్చయేన పచ్చయో. (౩)
పరామాసో చ నోపరామాసో చ ధమ్మా నోపరామాసస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం (సంఖిత్తం). (౧)
అత్థిపచ్చయో
౩౫. పరామాసో ధమ్మో నోపరామాసస్స ధమ్మస్స అత్థిపచ్చయేన పచ్చయో – సహజాతం, పచ్ఛాజాతం. సహజాతో – పరామాసో సమ్పయుత్తకానఞ్చ ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో. పచ్ఛాజాతో – పరామాసో పురేజాతస్స ఇమస్స కాయస్స అత్థిపచ్చయేన పచ్చయో. (౧)
౩౬. నోపరామాసో ధమ్మో నోపరామాసస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం (సంఖిత్తం). (౧)
నోపరామాసో ధమ్మో పరామాసస్స ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతా – నోపరామాసా ఖన్ధా పరామాసస్స అత్థిపచ్చయేన పచ్చయో. పురేజాతం – చక్ఖుం…పే… వత్థుం అస్సాదేతి అభినన్దతి, తం ఆరబ్భ దిట్ఠి ఉప్పజ్జతి, వత్థు పరామాసస్స అత్థిపచ్చయేన పచ్చయో. (౨)
నోపరామాసో ధమ్మో పరామాసస్స చ నోపరామాసస్స చ ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – నోపరామాసో ఏకో ఖన్ధో తిణ్ణన్నం ఖన్ధానం పరామాసస్స చ చిత్తసముట్ఠానానఞ్చ రూపానం అత్థిపచ్చయేన పచ్చయో…పే…. పురేజాతం – చక్ఖుం…పే… వత్థుం అస్సాదేతి అభినన్దతి, తం ఆరబ్భ పరామాసో చ సమ్పయుత్తకా చ ఖన్ధా ఉప్పజ్జన్తి, వత్థు పరామాసస్స చ సమ్పయుత్తకానఞ్చ ఖన్ధానం అత్థిపచ్చయేన పచ్చయో. (౩)
౩౭. పరామాసో చ నోపరామాసో చ ధమ్మా నోపరామాసస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం. సహజాతో – నోపరామాసో ఏకో ఖన్ధో చ పరామాసో చ తిణ్ణన్నం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో…పే… ద్వే ఖన్ధా చ…పే… పరామాసో చ సమ్పయుత్తకా చ ఖన్ధా చిత్తసముట్ఠానానం రూపానం అత్థిపచ్చయేన పచ్చయో; పరామాసో చ మహాభూతా చ చిత్తసముట్ఠానానం రూపానం అత్థిపచ్చయేన పచ్చయో; పరామాసో చ వత్థు చ నోపరామాసానం ఖన్ధానం అత్థిపచ్చయేన పచ్చయో. పచ్ఛాజాతో – పరామాసో చ సమ్పయుత్తకా చ ఖన్ధా పురేజాతస్స ఇమస్స కాయస్స అత్థిపచ్చయేన పచ్చయో. పచ్ఛాజాతో – పరామాసో చ సమ్పయుత్తకా చ ఖన్ధా కబళీకారో ఆహారో చ ఇమస్స కాయస్స అత్థిపచ్చయేన పచ్చయో. పచ్ఛాజాతో – పరామాసో చ సమ్పయుత్తకా చ ఖన్ధా రూపజీవితిన్ద్రియఞ్చ కటత్తారూపానం అత్థిపచ్చయేన పచ్చయో. (౧)
౧. పచ్చయానులోమం
౨. సఙ్ఖ్యావారో
సుద్ధం
౩౮. హేతుయా తీణి, ఆరమ్మణే నవ, అధిపతియా నవ, అనన్తరే నవ, సమనన్తరే నవ, సహజాతే పఞ్చ, అఞ్ఞమఞ్ఞే పఞ్చ, నిస్సయే పఞ్చ, ఉపనిస్సయే నవ, పురేజాతే తీణి, పచ్ఛాజాతే తీణి, ఆసేవనే నవ, కమ్మే తీణి, విపాకే ఏకం, ఆహారే తీణి, ఇన్ద్రియే తీణి, ఝానే తీణి, మగ్గే పఞ్చ, సమ్పయుత్తే పఞ్చ, విప్పయుత్తే పఞ్చ, అత్థియా పఞ్చ, నత్థియా నవ, విగతే నవ, అవిగతే పఞ్చ.
అనులోమం.
పచ్చనీయుద్ధారో
౩౯. పరామాసో ధమ్మో పరామాసస్స ధమ్మస్స ఆరమ్మణపచ్చయేన పచ్చయో… ఉపనిస్సయపచ్చయేన పచ్చయో. (౧)
పరామాసో ధమ్మో నోపరామాసస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పచ్ఛాజాతపచ్చయేన పచ్చయో. (౨)
పరామాసో ధమ్మో పరామాసస్స చ నోపరామాసస్స చ ధమ్మస్స ఆరమ్మణపచ్చయేన పచ్చయో… ఉపనిస్సయపచ్చయేన పచ్చయో. (౩)
౪౦. నోపరామాసో ధమ్మో నోపరామాసస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో… పచ్ఛాజాతపచ్చయేన పచ్చయో… కమ్మపచ్చయేన పచ్చయో… ఆహారపచ్చయేన పచ్చయో … ఇన్ద్రియపచ్చయేన పచ్చయో. (౧)
నోపరామాసో ధమ్మో పరామాసస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో. (౨)
నోపరామాసో ధమ్మో పరామాసస్స చ నోపరామాసస్స చ ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో. (౩)
౪౧. పరామాసో చ నోపరామాసో చ ధమ్మా పరామాసస్స ధమ్మస్స ఆరమ్మణపచ్చయేన పచ్చయో… ఉపనిస్సయపచ్చయేన పచ్చయో. (౧)
పరామాసో చ నోపరామాసో చ ధమ్మా నోపరామాసస్స ధమ్మస్స ఆరమ్మణపచ్చయేన పచ్చయో … సహజాతపచ్చయేన పచ్చయో… ఉపనిస్సయపచ్చయేన పచ్చయో… పచ్ఛాజాతపచ్చయేన పచ్చయో. (౨)
పరామాసో చ నోపరామాసో చ ధమ్మా పరామాసస్స చ నోపరామాసస్స చ ధమ్మస్స ఆరమ్మణపచ్చయేన పచ్చయో… ఉపనిస్సయపచ్చయేన పచ్చయో. (౩)
౨. పచ్చయపచ్చనీయం
౨. సఙ్ఖ్యావారో
౪౨. నహేతుయా నవ, నఆరమ్మణే నవ (సబ్బత్థ నవ), నోఅవిగతే నవ.
౩. పచ్చయానులోమపచ్చనీయం
౪౩. హేతుపచ్చయా నఆరమ్మణే తీణి, నఅధిపతియా తీణి, నఅనన్తరే తీణి, నసమనన్తరే తీణి, నఅఞ్ఞమఞ్ఞే ఏకం, నఉపనిస్సయే తీణి…పే… నమగ్గే తీణి, నసమ్పయుత్తే ఏకం, నవిప్పయుత్తే తీణి, నోనత్థియా తీణి, నోవిగతే తీణి.
౪. పచ్చయపచ్చనీయానులోమం
౪౪. నహేతుపచ్చయా ఆరమ్మణే నవ, అధిపతియా నవ (అనులోమమాతికా ) …పే… అవిగతే పఞ్చ.
పరామాసదుకం నిట్ఠితం.
౫౧. పరామట్ఠదుకం
౧-౭. పటిచ్చవారాది
౧. పచ్చయానులోమం
౧. విభఙ్గవారో
హేతుపచ్చయో
౪౫. పరామట్ఠం ధమ్మం పటిచ్చ పరామట్ఠో ధమ్మో ఉప్పజ్జతి హేతుపచ్చయా – పరామట్ఠం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే…పే… (యావ అజ్ఝత్తికా మహాభూతా).
పరామట్ఠం ధమ్మం పటిచ్చ…పే… (పరామట్ఠదుకం యథా చూళన్తరదుకే లోకియదుకం ఏవం కాతబ్బం నిన్నానాకరణం).
పరామట్ఠదుకం నిట్ఠితం.